Ölkə futbolu
"Qəbələ" “Maribor”u "Bakcell Arena"da qəbul etməyəcək
“Qəbələ” Avropa Liqasının pley-off mərhələsində S…
“Qəbələ” Avropa Liqasının pley-off mərhələsində Sloveniyanın "Maribor" klubunu əvvəlcədən nəzərdə tutulduğu kimi, "Bakcell Arena"da qəbul etməyəcək. Buna səbəb "Bakcell Arena"nın qazonunun yararsız vəziyyətə düşməsidi.
Azərbaycan futbolunun ənənəvi xəstəliyi olan stadion məsələsi "Qəbələ"nin planlarını əməlli-başlı dəyişib. Futbolinfo.az saytına daxil olan məlumata görə, “Qəbələ” Sloveniya klubunu Mərdəkandakı "Dalğa Arena"da qəbul edəcək. Məsələ artıq 90 faiz dəqiqləşib. Yalnız yolun uzaqlığı, azarkeş amili bu istəyi arxa plana ata bilər. Hətta bu variant alınmasa, “Qəbələ” Bakı Olimpiya stadionuna üstünlük verəcək, amma “Bakcell Arena”ya qayıtmayacaq.
Baş məşqçi Roman Qriqorçukun təkidi ilə stadion dəyşməyə çalışan qəbələlilər avrokubok üçün “Dalğa Arena”nı hətta ehtiyat meydança kimi də sifariş etməyiblər (BOS sifariş edilib – red.). Ancaq indi vəziyyət elə alınıb ki, “Bakcell Arena”da oynamaq risklidi. Avroliqa oyununa kimi “Neftçi” burada çempionat oyunu keçirəcəyindən qazon daha da yararsız hala düşə bilər. Bu isə texnikalı oyunla “Maribor”u məğlub etmək istəyən Qriqorçukun planlarına daxil deyil. Belə bərbad qazon sloveniyalıların işinə daha çox yarayar.
Mərdəkandakı stadionun qazonu ideal vəziyyətdədi. Premyer Liqada “Kəpəz”i burada məğlub edən “Qəbələ” “İnter”lə növbəti ev matçını da “Dalğa Arena”ya salmağa nail olub. Avropa Liqası matçı üçün isə UEFA-dan cavab gəlməlidi. Əyalət klubu rəsmiləri qitə futbol qurumuna müraciətlərini gizlədir, yalnız “hə” cavabı aldıqdan sonra açıqlamağı məqsədəuyğun sayırlar.
Qeyd edək ki, "Qəbələ" – "Maribor" oyunu 1 həftə sonra keçiriləcək.
- Ölkə futbolu2024-05-14 08:00
İcraiyyə Komitəsinin gözlənilən qərarları
- Ölkə futbolu2024-05-15 15:38
AFFA 6 kluba lisenziya verdi
- Ölkə futbolu2024-05-14 14:32
“Turan Tovuz”dan gedəcək futbolçuların siyahısı dəqiqləşir
- Ölkə futbolu2024-05-15 09:42
Klublarımızın rəqibləri bəlli olur: yalnız “Neftçi” səpələnmişlərdə olacaq