Ölkə futbolu
Mikayıl Nərimanoğlu “Bakı”nın futbolçusunu necə “özəlləşdirdi”? – FOTO
AFFA-nın rəsmi saytı U-19 yığmamızın təlim-məşq toplanışı…
AFFA-nın rəsmi saytı U-19 yığmamızın təlim-məşq toplanışı üçün heyəti açıqlayıb. Komandaya cəlb olunan futbolçular sırasında Yusif Cəfərov da var. Ali futbol qurumunun rəsmi orqanı oyunçunun “Kəpəz”ə məxsus olduğunu göstərib. Əslində isə…
Yusif “Bakı” Futbol Akademiyasının yetirməsidi. Özü də hələ yaxın 2,5 ildə də kluba məxsus olacaq. Ən maraqlısı budu ki, futbolçunun “Kəpəz”in oyunçusu olması barədə informasiya bilavasitə assosiasiyanın mətbuat xidmətinin məsuliyyət daşıdığı rəsmi saytda gedib. Həmin mətbuat xidmətinin ki, onun rəhbəri Mikayıl Nərimanoğlu “Kəpəz”in Müşahidə Şurasının idarə heyətində yer tutur. Buna el arasında “hamam suyu ilə özünə dost tutur” deyirlər.
Maraqlıdı ki, yalnız “Bakı”nın icraçı direktoru Yaşar Seyidovun etirazından sonra AFFA bu əməlindən əl çəkib. Seyidovun dinləyək: “Hazırda müxtləif yaş qrupları üzrə yığmalarımızda “Bakı”nın Futbol Akademiyasının 42 yetirməsi dəvət olur. Yusif də oldu 43-cü. Bunu fərəh hissi ilə qeyd edirəm. Əlbəttə, yetirməmizin “Kəpəz”ə məxsus olmasını gördükdə əhvalım korlandı. AFFA-dakı bəzi yoldaşlara zəng vurub kəskin etirazımı bildirdim. Futbolçu yığmaya dəvət olunarkən, onun məxsus olduğu kluba ali futbol qurumundan məktub daxil olmalıdı. “Bakı”ya bu səpkidə heç bir rəsmi məktub gəlməyib. Bunu texniki səhv kimi də qəbul edə bilərəm. Ancaq “Bakı”da problemlər baş qaldırdığı bir dönəmdə nəyə görə bizi futbol səhnəsindən silməyə çalışırlar? Məgər klubumuz ölkə futboluna heç bir töhfə verməyib? Neçə illərdi “Bakı” Futbol Akademiyası müxtəlif yaş qruplarından olan yığmalarımıza futbolçular yetişdirir. Bu uşaqlar ləyaqətlə ölkəmizi müxtləf turnirlərdə təmsil edir. Biz hansısa 3-cü ölkəyə deyil, Azərbaycan futboluna xidmət edirik”.
Acı təəssüf doğuran məqamdı. “Bakı”dan kimlərinsə xoşu gəlməyə, “zolaqlılar” keyfiyyətsiz idarəetmə nəticəsində borc burulğanında çabalaya bilər. Ancaq bu, kiməsə futbolçunu çalışdığı kluba məxsus olmasını göstərmək hüququ vermir. Saytda futbolçunun “Kəpəz”ə məxsus olmasını göstərmək isə süni mayalanmanı xatırladır.
Yeri gəlmişkən bu səhv artıq aradan qaldırılıb. Ancaq Seyidovun etirazından sonra…
AĞA
- Premyer-liqa2024-04-14 20:55
“Qarabağ” “Sabah”a uduzdu
- Ölkə futbolu2024-04-13 08:35
Leandro Azərbaycan dilini öyrənib: “Qarabağ”da yaşadıqlarım mənim üçün gözəl hekayədir”
- Premyer-liqa2024-04-13 20:52
“Neftçi” “Araz-Naxçıvan”ı darmadağınla yola saldı
- Ölkə futbolu2024-04-14 08:00
“Turan Tovuz” avrokubok mübarizəsinə qayıtdı