Müsahibə
Qurban Qurbanov: "Sizin Rəşadla düşmənçiliyiniz var?"
Qarabağ"ın baş məşqçisi Qurban Qurbanov Premyer Liqan…
Qarabağ"ın baş məşqçisi Qurban Qurbanov Premyer Liqanının 2-ci turu çərçivəsində "Sumqayıt"la matçdan sonra fikirlərini bildirib. Futbolinfo.az xəbər verir ki, təcrübəli mütəxəssis 2:0 hesabı ilə qalib gəldikləri matçı bu cür dəyərləndirib:
– İlk qələbəmizdi. Çempionatda hər bir oyun bizim üçün vacibdi. Futbolçularımıza təşəkkür edirəm. Əminəm ki, oyundan oyuna daha da yaxşı olacaq.
– Bu günkü oyunu izləyənlər arasında "Höteborq"un məşqçisi də vardı. Düşünürdük ki, kartları açmazsız. Amma tam gücünüzü qoyduz…
– "Höteborq"la oyun fərqli olacaq. Digər tərəfdən, bizim oyunların görüntüləri onlarda var. Gizlədiləsi bir şey yoxdu.
– Yeni transfer Dino Ndlovu komandaya nə vaxt qoşulacaq?
– Həmin futbolçu hələ bizim deyil. Düzdü, transferdə irəliləyiş var. Digər tərəfdən, həmin oyunçunun hansı durumda olduğunu bilmirəm.
– Bilirik ki, hücumçu transferi baxımından bir neçə variantlarınız vardı. Dino onlardan qiymət baxımından ən münasibidi?
– Bəli, biz xeyli vaxtdı hücumçu axtarırıq. Lakin transfer elədi ki, yaxşı bilib alırsan, özünü doğrultmur və ya əksinə.
– Qapıçı dəyişikliyi nə ilə bağlı idi?
– Limiti düşündüm. Həm də futbolçulara oyun praktikası lazımdı. Şahruddin də bizim oyun üslubuna uyğundu. Düzdü, bir az boyu balacadı. Ancaq potensialı bizi qane edir.
– "Neftçi" ilə oyununuzun "Əlincə" stadionunda keçiriləcəyi dəqiqləşib…
– Bəli, demək olar ki, dəqiqləşib. Süni örtük yüklənmə və zədələrə səbəb olur. Ancaq nə etmək olar, təbii örtüklərdə problem var. Elə "Bakcell Arena"da da oxşar durumdu.
– Olmazdı ki, "İnter"lə də "Əlincə"də oynayasız?
– Bu, bizim səhlənkarlığımız oldu. Bilmirdik belə stadion var.
– Rəşad Sadıqov son oyunlarda yorğun və küskün görünür. Necə düşünürsüz, bu mövsüm onun üçün sonuncu ola bilər?
– Sizin Rəşadla düşmınçiliyiniz var? Bu sualı keçən dəfə də vermişdiz. Fikrinizlə qətiyyən razı deyiləm. Düzgün yanaşma deyil. Bununla Rəşada təzyiq etmiş olursuz. Rəşad həm "Qarabağ"a, həm də milli komandaya lazımdı.
AĞA
- Ölkə futbolu2024-04-11 10:32
AFFA-nın gülməli seçimi: Uğursuz klub rəhbəri Hakimlər Komitəsinə sədr olacaq?
- Ölkə futbolu2024-04-11 14:10
AFFA-da növbəti təyinatlar olacaq: yeni baş katib və PFL prezidenti
- Ölkə futbolu2024-04-12 08:00
Mikayıl Cabbarovun kadrları azərbaycanlılara qarşı
- Ölkə futbolu2024-04-11 13:34
Lunyov “Qarabağ”ın uğurunun sirrini açdı: məşqçilər, həkimlər və…