Müsahibə
Zahoviç kartları açmadı, iddialı danışdı
“Qəbələ” – “İnter” oyununu izləyən…
“Qəbələ” – “İnter” oyununu izləyənlər arasında “Maribor”un nümayəndələri də var. Futbolinfo.az xəbər verir ki, qarşıdakı həftədə Sloveniya klubunun rəqibi olacaq qəbələliləri izləmək üçün gələn 3 nəfərlik nümayəndə heyətinə ötənlərin məşhur futbolçusu, hazırda “Maribor”un idman direktoru işləyən Zlatko Zahoviç rəhbərlik edir. Onunla “Dalğa Arena”dakı matçın fasiləsində söhbətləşdik.
– İlk hissə haqqında nə deyə bilərsiz?
– “Qəbələ” güclü komandadır. İlk hissədə əla təsir bağışladılar. Komandanın özünəməxsus taktikası var.
– Hansı futbolçular diqqətiniz cəlb etdi?
– Bütün futbolçuları yaxşı çıxış edir.
– “Qəbələ”nin püşkdə bəxti gətirib?
– Elə deməzdim. Biz də zəif komanda deyilik. Ona görə də sizinlə razılaşa bilmərəm.
– Bu komandanın “Lill”i keçməsi sizi qorxutmur?
– Yox, onlardan qorxmuruq. Sadəcə, hörmət edirik. Niyə qorxmalıyıq? Futbolda hər şey olur.
– “Lill” “Qəbələ”ni keçib sizinlə qarşılaşsaydı, bu daha təhlükəli olmazdı?
– Əlbəttə, çətin olacaqdı. Amma gəlin, “Qəbələ”nin ötənilki çıxışına nəzər salaq. Qrup mərhələsində nəhəng klublarla oynayıb.
– “Qəbələ”nin təsnifat mərhələsindəki hansı oyununu daha çox bəyəndiz?
– Bütün oyunlarını izləmişəm. Fikrimcə, hər hansı oyunda pis oynasaydılar, mərhələ keçməzdilər.
– İlk oyunun Bakıda olmasını sizin üçün üstünlük saymaq olar?
– Bizim üçün üstünlük yalnız Bakıda qələbə qazanmağımız olacaq. Müasir futbol sirrli qutudu. Nə çıxacağını bilmək olmaz. “Maribor” zəif komanda deyil.
– “Maribor”un hansı xətti “Qəbələ”ylə müqayisədə daha güclüdü?
– Bunu sizə deyə bilmərəm.
– Novakoviç haqda daha çox danışırlar.
– Razıyam, çox təhlükəli futbolçudu.
– 2 futbolçunuzun avtoqəzada ölümünə görə sizə başsağlığı veririk. Bu, motivasiyanıza təsir edəcəkmi?
– Bu, bizim üçün çox böyük faciədi. Çətin günlər keçiririk. Əlbəttə ki, motivasiyamıza təsir edəcək. Amma pis mәnada yox.
FƏRİD