Müsahibə
Səlahət Ağayev: "Bir penalti ilə millinin qapıçısı məsələsi həll edilmir"
Azərbaycan Premyer Liqasının 2-ci turunda "Qəbələ” – …
Azərbaycan Premyer Liqasının 2-ci turunda "Qəbələ” – "İnter” (0:0) oyunundan sonra qonaqların qapıçısı Səlahət Ağayev jurnalistlərin suallarını cavablandırıb. Futbolinfo.az sizi həmin müsahibə ilə tanış edir:
– Mövsümə uğurlu start verdiniz və avrokuboklardakı təmsilçilərimizdən "Qəbələ”dən də xal qalmağı bacardınız. Oyun haqda nə deyə bilərsiniz?
– Gördüyünüz kimi, bu cür hava şəraiti oyuna mənfi təsir edir. Belədə oynamaq çox çətindir. Heç-heçəlik oyun idi. Komandalar hərəyə 1 xal qazandı. Normaldır.
– Penalti epizoduna ən yaxın siz idiniz. Referi düzgün qərar vermişdi?
– Qarşımda qarışıqlıq yaranmışdı. Üç-dörd futbolçu var idi, ona görə tam görə bilmədim. Yan-xətt hakimindən xəbər aldım, o da təsdiqlədi ki, referi düzgün qərar qəbul edib.
– Zərbənin istiqamətini müəyyənləşdirmişdiniz, yoxsa təsadüfən qaytardınız?
– Bunu əvvəlcədən demək olmur. Adətən penaltilərin 99 faizi qol olur. Qapıçının onu qaytarmaq şansı 1 faizə bərabərdir. Mən də işimi gördüm.
– Nika Kvekveskiri ilə əvvəl bir komandada oynamağının təsiri oldumu?
– Belə deməzdim. Futboldur, o həmin cinaha vurdu, mən də uzanıb çıxardım. Ora vuracağını əvvəlcədən bilmirdim.
– Əsas millinin "1 nömrə”si hesab edilən Kamran Ağayev klubsuzdur və formada deyil. San Marino ilə oyunöncəsi millidəki yerinizi təmin etdiyinizi demək olarmı?
– Bu, mənim yox, baş məşqçinin verəcəyi qərardır. Futbolçu kimi işim komandama kömək etməkdir. Baş məşqçinin əvəzinə qərar qəbul edə bilmərəm.
– Amma penaltini dəf etməyiniz həlledici ola bilər..
– Bir penalti ilə millinin qapıçısı məsələsi həll edilmir. Təbii ki, ora düşmək üçün əlimizdən gələni edirik.
– Artıq iki tur arxada qalıb və millinin baş məşqçisi Robert Prosineçki stadionlarda gözə dəymir. Belədə seçimin ədalətli olacağına inamınız nə dərəcədədir?
– Millinin baş məşqçisi, baş məşqçinin də köməkçiləri var. Nəyin, necə olacağını deyə bilmərəm. Bu, onların işidir. Prosineçki gəlmir, amma köməkçiləri bütün oyunları izləyirlər.
– "Qarabağ” üzərində qazanılan qələbədən sonra "İnter”in daha yaxşı başlanğıc etdiyini demək mümkündürmü?
– Ötən il məğlub olmuşduq. Əlbəttə, qələbə ilə başlamaq komandaya müsbət təsir edə bilər. Finişə avrokuboklara vəsiqə verən yerlərdən birini tutaraq çatmaq istəyirik.
ELMAR ABDULLA-ZADƏ
- Milli komanda2024-05-03 08:00
Vay(ss) bizim halımıza?
- Ölkə futbolu2024-05-02 08:00
Bir aylıq istirahətin şərəfinə… Balaşın ariyası
- Müsahibə2024-05-02 15:51
Dodo “Qəbələ”yə kömək etmək istəyir: I Liqada da oynamağa hazırdır
- Ölkə futbolu2024-05-03 15:05
“Neftçi”nin transfer etmək istədiyi futbolçu Danimarkada həbsdə olub – cinsi təcavüzə görə