Ölkə futbolu
Əyalətdə ilk duel
Bu gün Premyer Liqanın II turu çərçivəsində dah…
Bu gün Premyer Liqanın II turu çərçivəsində daha bir oyun keçiriləcək. Həftənin əyalətdə reallaşacaq yeganə duelində “Kəpəz” AZAL-ı qonaq edəcək.
17:00 “Kəpəz”– AZAL
Hakimlər: ƏLİYAR AĞAYEV, Zeynal Zeynalov, Rza Məmmədov, Yaşar Abbasov.
Əlavə köməkçi hakimlər: Rauf Cabbarov, İnqilab Məmmədov.
AFFA nümayəndəsi: Eldar Qasımov.
Hakim-inspektor: Şahin Cəfərov.
Gəncə şəhər stadionu (25000 yerlik).
Hər iki komanda yeni mövsümə analoji hesablı mğlubiyyətlə başlayıb. “Kəpəz” “Qəbələ”yə, AZAL isə “Neftçi”yə 2 cavabsız qolla uduzub. Yeganə fərq ondadı ki, gəncəlilər səfərdə məğlub olublar.
Bu kollektivlərin son 5 oyununda qonaq komanda 3 xal üzü görməyib. Bu isə son 2 ev oyununda “quru hesablı” qələbə qazanan “Kəpəz”in lehinə olan göstəricidi. Lakin aydın məsələdi ki, matçalrın nəticəsini statistika deyil, komandaların hazırkı durumu müəyyənləşdirir. Bu baxımdan isə hər iki kollektiv oxşar vəziyyətdədi. Həm “Kəpəz”in, həm də AZAL-ın müəyyən sıxıntıları var. Ancaq indiki durumda problemləri kənara qoyub, oynamaq lazımdı.
STATİSTİKA: 16 oyun, +3=3-10, top fərqi 9-26
ÖTƏN MÖVSÜM…
12.09.2015 Kəpəz – AZAL 1:0
07.11.2015 AZAL – Kəpəz 1:1
07.02.2016 Kəpəz – AZAL 2:0
03.04.2016 AZAL – Kəpəz 3:0
OYUNDAN NOTLAR
* “Kəpəz”in heyətində cəzalı və zədəli futbolçu yoxdu.
* AZAL düşərgəsində Ruslan Nəsirli cəzalı durumdadı.
* “Təyyarəçilər”in heyətində Tagim Novruzovla Seymur Əsədov zədəlidi.
REFERİ
Ölkəmizin ən perspektivli referilərindən sayılan, beynəlxalq oyunlara təyinat alan Əliyar Ağayev ötən mövsüm “Kəpəz”in 3 matçında fit çalıb və bunlardan heç birində gəncəlilər uduzmayıb: 1 qələbə, 2 heç-heçə. “Kəpəz”ə 6, rəqiblərinə 5 “sarı” verən baş hakim, əyalət klubunun əleyhinə 1 penalti də təyin edib.
FİFA referisi AZAL-ın 4 görüşündə söz sahibi olub ki, bunlardan 2-də qələbə qazanan “təyyarəçilər”, 1 matçdan da məğlub ayrılıblar. Ağayev AZAL-ın qapısına 1 penalti də təyin edib.
FƏRİD