Ölkə futbolu
"İnter" üçün zirvə şansı
Bu gün Topaz Premyer Liqasında III tura start veriləcək. Milli…
Bu gün Topaz Premyer Liqasında III tura start veriləcək. Milli çempionatımıza maraq göstərən futbolsevərlər öncə “Zirə” – AZAL, ardınca “İnter” – “Kəpəz” qarşılaşmalarını izləyə biləcəklər.
19:00. “Zirə” – AZAL
Hakimlər: FARİZ YUSİFOV, Yaşar Abbasov, Vüsal Qənbərov, Rövşən Rəcəbov.
AFFA nümayəndəsi: Maşallah Əhmədov.
Hakim-inspektor: Əhmədağa Cabbarov.
Zirə İdman Kompleksinin stadionu (1300 yerlik).
Ötən mövsüm Azərbaycan Premyer Liqasında debüt edən “Zirə” AZAL-la duellərdə yaxşı təsir bağışlayıb. Qəsəbə təmsilçisi “təyyarəçilər”i hər iki ev oyununda məğlub etməklə yanaşı, səfər görüşlərinin birindən bir xal götürməyi bacarmışdı.
Hər iki kollektiv cari çempionata məğlubiyyətlə başlasa da, “Zirə” ötən tur hesabına 3 xal yazmağa müvəffəq olub. Adil Şükürovun rəhbərlik etdiyi kollektiv səfərdə “Neftçi”ni məğlub etdiyi halda (1:0), AZAL Gəncədə “Kəpəz”lə bərabərə qalıb (0:0).
STATİSTİKA: 4 oyun, +2, =1, -1, top fərqi 6-4
ÖTƏN MÖVSÜM…
09.08.2015 Zirə – AZAL 1:0
20.12.2015 AZAL – Zirə 1:0
20.03.2016 Zirə – AZAL 4:2
11.05.2016 AZAL – Zirə 1:1
OYUNDAN NOTLAR
* “Zirə”nin heyətində zədəli və cəzalı futbolçu yoxdu.
* İlk turda “Neftçi” ilə matçda birbaşa qırmızı vərəqə alan Ruslan Nəsirli bu oyunu da kənardan izləyərək, cəzasını tamamlamış olacaq.
* Taqim Novruzovla Kamal Mirzəyevin zədə səbəbi ilə “Zirə”yə qarşı forma geyinməyəckləri dəqiqdi. İlqar Ələkbərovla Nuqzar Kvrityanın durumları isə sual altındadı.
REFERİ
Fariz Yusifov cari mövsümdə bu kollektivlərin oyunlarına təyinat almasa da, ötən çempionatda “Zirə”nin 6, AZAL-ın isə 4 oyununda söz sahibi olub.
Təcrübəli referinin zirəlilər üçüb düşərli olduğunu söyləyə bilərik: 3 qələbə, 3 bərabərlik. “Təyyarəçilər” isə 4 qarşılaşmadan 2-də qalib gəlib, 1-də uduzublar. Həmçinin o, AZAL-ın lehinə 2, əleyhinə isə 1 penalti təyin edib.
21:00. “İnter” – “Kəpəz”
Hakimlər: Ömər Paşayev, Namiq Hüseynov, Cavanşir Yusifov, Rahil Ramazanov.
Əlavə köməkçi hakimlər: İnqilab Məmmədov, Rəvan Həmzəzadə.
AFFA nümayəndəsi: Əsgər Əmirəliyev.
Hakim-inspektor: Kərim Ağayev.
“İnter Arena” (5300 yerlik).
Bu kollektivlərin sonuncu çempionatdakı duellərində “İnter”in üstünlüyü diqqət çəkir. Gəncə təmsilçisini hər iki ev oyununda 1 cavabsız qolla üstələyən “bankirlər” səfər qarşılaşmalarından bərabərliklə ayrılıb (0:0, 1:1).
Elə yeni mövsümdə də “İnter” daha yaxşı təsir bağışlayır. Hər halda, Zaur Svanadzenin rəhbərlik etdiyi komandanın ilk iki turda ölkəmizi Avropa Liqasında təmsil edən “Qarabağ”ı məğlub edib (2:1), “Qəbələ” (0:0) ilə bərbarə qalması belə söyləməyə əsas verir.
Maraqlıdı ki, paytaxt klubunun bu gün qonaq edəcəyi “Kəpəz” də cari avrokubok mövsümündə ölkəmizi Avropa Liqasında təmsil edib. “İnter” doğma meydanda keçirəcəyi matçda Gəncə təmsilçisini məğlub edəcəyi halda, vahid lider olacaq. Çünki onunla eyni xala (4 xal) malik “Qəbələ”nin “Sumqayıt”la dueli təxirə salınıb.
STATİSTİKA: 22 oyun, +14, =4, -4, top fərqi 41-19
ÖTƏN MÖVSÜM…
25.09.2015 İnter – Kəpəz 1:0
27.11.2015 Kəpəz – İnter 0:0
19.02.2016 İnter – Kəpəz 1:0
16.04.2016 Kəpəz – İnter 1:1
OYUNDAN NOTLAR
* Hər iki komandanın heyətində zədəli və cəzalı futbolçu yoxdu.
REFERİ
Ömər Paşayev ötən mövsüm “İnter”in 5 oyununda fit çalıb və bunlardan heç birində “bankirlər” uduzmayıb: 2 qələbə, 3 bərabərlik. “Kəpəz”in 4 matçına təyinat alan gənc referi 2 dueldə gəncəlilərin qələbəsinə şahidlik edib. Digər 2 matçda isə 1 qələbə və 1 heç-heçə qeydə alınıb.
Paşayev “Kəpəz”in lehinə 1, “İnter”in isə lehinə 1, əleyhinə 3 penalti təyin edib.
FƏRİD
- Ölkə futbolu2024-04-11 10:32
AFFA-nın gülməli seçimi: Uğursuz klub rəhbəri Hakimlər Komitəsinə sədr olacaq?
- Ölkə futbolu2024-04-11 14:10
AFFA-da növbəti təyinatlar olacaq: yeni baş katib və PFL prezidenti
- Ölkə futbolu2024-04-12 08:00
Mikayıl Cabbarovun kadrları azərbaycanlılara qarşı
- Ölkə futbolu2024-04-11 13:34
Lunyov “Qarabağ”ın uğurunun sirrini açdı: məşqçilər, həkimlər və…