Ölkə futbolu
I divizion, yoxsa Bayıl çempionatı?
Gələn həftəsonu Azərbaycan çempionatının I divizionunda …
Gələn həftəsonu Azərbaycan çempionatının I divizionunda 2016/17 mövsümünə start veriləcək. Amma hələ də komandalar yarışa hazır deyil. Heyət, hazırlıq səviyyəsi və s. öz yerində, bəzi klubların hətta harada oynayacağı da bilinmir.
İştirakçılardan tən yarısı – 7-si ev oyunlarını harada keçirəcəyi ilə bağlı PFL-ə rəsmi məlumat verib. Gözlənildiyi ki, “Göyəzən” Qazax, “Ağsu” Ağsu və “Mil Muğan” Heydər Əliyev adına İmişli şəhər stadionunda rəqiblərini qəbul edəcək. Digər 4 komanda isə bir yuvaya sığınıb. Belə ki, “Şərurspor”, “Səbail”, MOİK və “Rəvan” ev oyunlarını “Bayıl Arena”da keçirəcək. Nəzərə alsaq ki, klublar bu stadionda məşq edəcək, bundan başqa “Mançester Yunayted” məktəbi də burada yerləşir, onda belə çıxır ki, stadionda nəinki boş gün, heç boş dəqiqə də olmayacaq. Artıq 1-ci turda sözügedən arenada 2, növbəti turda isə 3 oyun var.
Yerdə qalan 7 klubdan 5-i əyaləti təmsil etdiyindən bu komandaların doğma rayonlarında rəqiblərini qəbul edəcəyi heç kimdə şübhə doğurmur. “Şəmkir”, “Energetik”, “Zaqatala”, “Turan Tovuz” və Şahdağ təmsil etdikləri rayonlarda oynayacaq. Amma onların stadionların durumu barədə hələ də yarışın təşkilatçısı olan quruma məlumat verməyib.
Maraqlıdı ki, Bakıda saysız stadion olsa da, digər 4 paytaxt klubu kimi problem yaşayacağı gözlənilən digər 2 iştirakçı da ölkənin baş şəhərini təmsil edir. “Bakılı” və “Qaradağ Lökbatan” da bugünədək PFL-ə rəsmi müraciət etməyib. Sonuncuların problem yaşaması real görünmür. Komanda neçə illərdi Lökbatandakı Olimpiya İdman Kompleksinə sığınıb.
“Bakılı” isə hələ də didərgindi. Bu komandanın ev oyunlarını keçirdiyi “İnter Arena”nın 4-cü meydançası təmirə bağlandığından komanda özünə məskən tapa bilmir. Klub rəhbərliyi “Bakı”nın təlim-məşq bazasına üz tutsa da, həmşəhərliləri ilə anlaşa bilməyiblər. Ciddi xərc çəkmədən oynamaq istəyən komandanın bu arzusu ürəyində qalıb.
Xatırlayırsızsa, ötən mövsümlərdə MOİK də oyunlarını “Bakı”nın bazasında keçirir, buranın xidmətindən təmənnasız istifadə edirdi. İndi isə onlar da Bayıla üz tutub. Görünür, tələb olunan minimal icarə xərclərini qarşılamaq “Bakılı” kimi, onların da cibinə uyğun olmayıb.
Göründüyü kimi, klublar sırf imkansızlıq üzündən “Bayıl Arena”nın süni qazonunda növbəyə duracaq. Yəqin ki, AFFA balansındakı bu arenada onlara güzəştlər etdiyindən klublar “Əlincə Arena”nı, “Bakı”nın bazasını yox, məhz Bayılı seçiblər. Onların elitaya vəsiqə qazandıqdan sonra nə edəcəkləri indidən maraqlıdı. Bu gün oyun keçirmək üçün fəqrli meydan tapa bilməyən klubların lisenziya tələblərini necə yerinə yetirəcəyi maraq doğurur.
ELMAR ABDULLA-ZADƏ
- Ölkə futbolu2024-04-19 21:00
“Sumqayıt” avrokubok iddiasını davam etdirir
- Ölkə futbolu2024-04-21 11:50
Rəfiyev “Sabah” üçün plan qurub: rəqibinin rəqibini stimullaşdırır
- Ölkə futbolu2024-04-21 10:19
Yeni AFFA rəhbərliyi də əcnəbilərə üz tutdu: hər şey xorvatlara tapşırılacaq
- Ölkə futbolu2024-04-21 08:00
Andersonun dediyi kimi…