Portuqaliya məğlub oldu, Hollandiya və Fransa heç-heçə ilə başladı

DÇ-2018-in seçmə mərhələsinin Avropa zonası üzrə ilk turuna yekun vurulub. Futbolinfo.az xəbər verir ki, A, B və H qruplarında da mübarizəyə start verilib.

Günün mərkəzi qarşılaşması İsveçdə keçirilib. Skandinaviyalılar AÇ-2016-dan kənarda qalan Hollandiya ilə xalları bölüblər – 1:1. Son Avropa çempionatının finalçısı Fransa səfərdə Belarusun müqavimətini qıra bilməyib. A qrupunun digər matçında isə Bolqarıstan Lüksemburqu çətinliklə məğlub edib – 4:3.
 
AÇ-2016-nın qalibi Portuqaliya millisi də dünya çempionatının seçmə mərhələsində mübarizəyə uğursuz start verib. B qrupunda yer alan pireneylilər İsveçrə səfərində məğlub dönüblər – 0:2. H qrupunun favoriti sayılan Belçika isə səfərdə Kipri məğlub edib – 3:0.
 
Həmçinin G qrupunun təxirə salınmış Albaniya – Makedoniya matçı da davam etdirilib. Xatırladaq ki, görüş əlverişsiz hava şəraitinə görə 78-ci dəqiqədə (hesab 1:1 olarkən) yarıda dayandırılmışdı. Oyunun qalan dəqiqəsində meydan sahibləri daha bir qol vuraraq qələbəni təmin ediblər – 2:1.
 
DÇ-2018-in seçmə mərhələsi
Avropa zonası, ilk tur
6 sentyabr
 
A qrupu
 
İsveç – Hollandiya – 1:1
Qollar: Berq, 43 – Sneyder, 67.
 
Belarus – Fransa – 0:0
 
Bolqarıstan – Lüksemburq – 4:3
Qollar: Rangelov, 16, Marselinyo, 56, Popov, 79, Tonev, 90+2 – Yoahim, 60, 62, Bonert, 90+1.

B qrupu
 
Andorra – Latviya – 0:1
Qol: Sabala, 48.
 
Farer adaları – Macarıstan – 0:0
 
İsveçrə – Portuqaliya – 2:0
Qollar: Embolo, 24, Mehmedi, 30.
 
G qrupu

Albaniya – Makedoniya – 2:1
Qollar: Sadiku, 9; Balaj, 89 – Alioski, 51.
 
H qrupu
 
Cəbəllütariq – Yunanıstan – 1:4
Qollar: Valker, 26 – Mitroğlu, 10, Vismen, 44-öz qapısına, Fortunis, 45, Torosidis, 45+2.
 
Bosniya və Herseqovina – Estoniya – 5:0
Qollar: Spahiç, 7, 90+2, Dzeko, 23, Medunyanin, 71, İbişeviç, 83.
 
Kipr – Belçika – 0:3
Qollar: Lukaku, 13, 61, Karrasko, 81.