Müsahibə
Roman Qriqorçuk: "Bu nəticə bizə yaxşı əhval gətirdi"
"Razıyıq ki, 3 xal qazandıq. Yaxşı oynadıq. Çox pozi…
"Razıyıq ki, 3 xal qazandıq. Yaxşı oynadıq. Çox pozitivəm”. Futbolinfo.az xəbər verir ki, bu sözləri “Qəbələ”nin baş məşqçisi Roman Qriqorçuk deyib. Azərbaycan Premyer Liqasının 4-cü turu çərçivəsində bu gün “Neftçi”nin qonağı olan “qırmızı-qaralar” rəqibi darmadağın ediblər.
“Qəbələ”nin 8:0 hesablı qələbəsi ilə yekunlaşan matçdan sonra Qriqorçuk mətbuat konfransı keçirib: “Biz həmişə yaxşı, qollu nəticəyə köklənirik. Bu, hər dəfə alınmır. Amma bu dəfə bacardıq”.
– “Anderlext”lə oyunöncəsi bu cür qələbə komandada arxayınlaşma yarada bilərmi?
– Yaxşı nəticə bizə yaxşı əhval gətirdi. Pozitivik. Belə halda öyrənmək daha yaxşıdı. Düşünürəm ki, bu, futbolçulara yaxşı təsir göstərəcək.
– Komandanızı oyuna necə kökləmişdiniz?
– Birinci hissədə 3:0-dan sonra bir balaca “boşalma” oldu. Amma sonra futbolçularım özlərinə qayıtdılar. Bu cür qələbə yaxşı emosiya yaradır. Ağıllı insanlar bu vəziyyətdən yararlanıb, inkişaf edirlər.
– Sizcə, bu gün “Neftçi” çox zəif idi, yoxsa “Qəbələ” yaxşı oynadı?
– Rəqibin oyununu dəyərləndirmək mən tərəfdən düz çıxmaz. Öz komandamla bağlı onu deyə bilərəm ki, yaxşı oynadıq. Amma bununla bərabər səhvlərimiz də oldu.
– “Anderlext”lə oyunöncəsi əsas heyətin heç bir üzvünü qorumadınız. Bunun səbəbini nə ilə izah edərdiniz?
– Bizdə heç nə deyişməmişdi. Heyətdə həmişə layiq olan futbolçulara yer veririk. Bizim bu yanaşmamız heç vaxt dəyişməyəcək.
– Yeni transferlər – Ruslan Qurbanov və Franyiçin çıxışından razı qaldızmı?
– Mən bütün oyunçulardan razı qaldım. Futbolçuları ayırmaq istəmirəm. Düzdü, onların oyununu ayrı-ayrılıqda təhlil edəcəyik. Amma elə məqamlar oldu ki, futbolçular onları düzəltməlidilər.
– “Anderlext”lə səfər matçında hansı nəticəyə ümid edə bilərik?
– Etiraf edim ki, rəqibin oyunlarına artıq baxmışam. Çünki bilirdim ki, “Neftçi” ilə matçdan sonra “Anderlext” haqda məlumat toplamağa vaxtım çatmayacaqdı. Məlumat o qədər çoxdu ki, “Neftçi” ilə oyuna hazırlaşmaqla yanaşı, onların oyunlarını izləmişəm. Amma hələ də onların matçlarına baxmalıyam.
CEYHUN ƏLİYEV