Ölkə futbolu
"Neftçi"də rusiyalı məşqçi
Rusiyanın 2-ci liqasının Cənub zonasında mübarizə aparan Ma…
Rusiyanın 2-ci liqasının Cənub zonasında mübarizə aparan Maykop "Drujba"sının baş məşqçisi Aleksandr Dereberin baş məşqçi postundan istefa verib.
Futbolinfo.az xəbər verir ki, adygtv.ru saytına açıqlamasında klubun baş direktoru Kaplan Huako bunları deyib: "Bu, Aleksandr Dereberinin baş məşqçi postunda son oyunu idi. Mütəxəssis Bakının "Neftçi" klubundan təklif alıb və karyerasının Azərbaycanda davam etdirəcək.
Bununla bağlı "CBC Sport"a açıqlama verən "Neftçi"nin mətbuat xidmətinin rəhbəri Mehman Rəsulov belə bir məsələnin gündəmdə olduğunu bildirdi: "Aleksandr Dereberinin "neftçi"yə gəlişi gündəmdədir. Hələ ki, məsələ tam rəsmiləşməyib. Onun Elxan Abdullayevin köməkçilərindən biri olması gözlənilir".
Qeyd edək ki, "Mostransqaz", "Nafkom", "Zvezda" və "Desna" klublarında məşqçi çalışan Dereberinin son iş yeri Maykopun" Drujba" komandası olub.