AZAL-a texniki məğlubiyyət, klub rəsmisinə 6 aylıq cəza verildi

Bu gün AFFA İntizam Komitəsinin növbəti iclası keçirilib. Futbolinfo.az xəbər verir ki, aparılan müzakirələrdən sonra AFFA tərəfindən təşkil olunan müxtəlif çempionatlarla bağlı aşağıdakı qərarlar çıxarılıb:

U-19 Liqasında “Qarabağ” – “Sumqayıt” matçının 75-ci dəqiqəsində “Sumqayıt”ın futbolçusu Kənan Məmmədov kobud oyuna görə birbaşa qırmızı vərəqə alaraq, meydandan kənarlaşdırıldığı üçün 2 oyun cəzalanıb.

U-19 Liqasında “Neftçi” İK İB – “Zirə” matçının 81-ci dəqiqəsində “Zirə”nin futbolçusu Ruslan Mənəfov kobud oyuna görə birbaşa qırmızı vərəqə alaraq, meydandan kənarlaşdırıldığı üçün 2 oyun cəzalanıb.

U-19 Liqasında “Vətən” RİOEUG – “Şərurspor” matçının 85-ci dəqiqəsində “Vətən”in futbolçusu Asif Ələsgərov rəqibi təhqir etdiyinə görə birbaşa qırmızı vərəqə alaraq, meydandan kənarlaşdırıldığı üçün 3 oyun cəzalanıb. Oyunun 70-ci dəqiqəsində “Vətən”in futbolçusu Məhərrəm Həsənova kobud oyuna görə birbaşa qırmızı vərəqə göstərilib. Lakin oyunun video yazısına baxıldıqda hakimin epizodu düzgün qiymətləndirmədiyi müəyyən olunub. Oyunun video yazısını izlədikdən sonra İntizam Komitəsi aşağıdakı qərarları qəbul edib:

Oyunun 70-ci dəqiqəsində “Vətən”in futbolçusu Məhərrəm Həsənova göstərilmiş qırmızı vərəqə ləğv edilib.

Hakimlər Komitəsi oyunun hakimi haqqında lazımi ölçü götürüb İntizam Komitəsini məlumatlandırsın.

U-19 Liqasının “Turan” İB (Tovuz) – AZAL (Bakı) matçında qonaq komanda iştirak etmədiyinə görə kluba 0:3 hesablı texniki məğlubiyyət verilib.

U-13 Liqasında UGİM Gənclər Birliyi – "Kəlbəcər" (Gəncə) matçında qonaq komanda iştirak etmədiyinə görə, kluba 0:3 hesablı texniki məğlubiyyət verilib.

U-12 Liqasının AZAL – “Qarabağ” matçı başa çatdıqdan sonra AZAL-ın rəsmi şəxsi Sərraf Əhmədov AZAL-ın futbolçusu Nihad Əhmədova qarşı fiziki təsir göstərdiyinə görə 6 ay yarışlardan kənarlaşdırılıb.

U-12 Liqasında “Təhsil” RİM (Sumqayıt) – UGİM-14 Binəqədi matçının 26-cı dəqiqəsində UGİM-14 klubunun futbolçusu Yusif Baxışlı aqressiv davranışa görə birbaşa qırmızı vərəqə alaraq, meydandan kənarlaşdırıldığı üçün 2 oyun cəzalanıb.

U-12 Liqasında "Gülül" (Ağstafa) – UGİM (Qazax) matçında meydan sahibi olan komanda iştirak etmədiyinə görə, kluba 0:3 hesablı texniki məğlubiyyət verilib.

Futzal üzrə Azərbaycan çempionatının “Ceyhunspor” – “Xəmsə” matçının 25-ci dəqiqəsində “Ceyhunspor”un futbolçusu Seymur Məmmədov hakimi təhqir etdiyinə görə birbaşa qırmızı vərəqə alaraq, meydandan kənarlaşdırıldığı üçün 4 oyun cəzalanıb.

Futzal üzrə Azərbaycan birinciliyinin II dəstəsinin “Təbriz” – FKİT matçının 50-ci dəqiqəsində “Təbriz” meydançanı özbaşına tərk etdiyinə görə kluba 0:3 hesablı texniki məğlubiyyət verilib.