Dünya futbolu
Eddi İsrafilov komanda yoldaşlarının tənqidlərini cavabladı
Milli komandamızın və İspaniya Sequndasında mübarizə aparan…
Milli komandamızın və İspaniya Sequndasında mübarizə aparan “Kadis”in yarımmüdafiəçisi Eddi İsrafilov komanda yoldaşı David Sançesin onu zəif oyununa görə tənqid etməsinə münasibət bildirib. Futbolinfo.az xəbər verir ki, o, bunları qeyd edib:
“David Sançes mənim zəif çıxış etdiyimi bildirib. O, təcrübəli futbolçudur. Mən heç kimi ittiham etmək istəmirəm. Onunla bəzən oyunumuz alınmır. David daha çox müdafiəyə meyillidir. Mən isə hücumlarda da iştirak edirəm. Amma baş məşqçi məni hansı mövqedə sınasa, oynamağa hazıram. Məşqçimiz məni oyunun gedişində bir neçə mövqelərdə sınayır və özümü rahat hiss edirəm. Komandaya yeni gələndə hər şey istədiyim kimi deyildi, uyğunlaşmaqda çətinlik çəkirdim. Yaxşı oyun nümayiş etdirə bilmirdim. Buna görə təzyiq altında idim. Azarkeşlərdən də dəstək görmürdüm. Son oyunlarda özümə daha çox güvənirəm. Daha çox məşq edib, çalışıram ki, komandada yerim möhkəmlənsin. Azarkeşlərimizdən xahiş edirəm ki, mənə dəstək olsunlar. Onların istədiyi oyunu sərgiləyəcəm, amma dəstəklərini əsirgəməsinlər”.
Qeyd edək ki, İsrafilov cari mövsüm “Kadis”in heyətində 10 oyunda forma geyinib.