Milli komanda
Baş məşqçidən səhlənkarlıq: millimizin üzvlərinə paltardəyişmə otağı tapılmadı – FOTOLAR
Dünən axşam saatlarında Bakı Olimpiya Stadionunda maraqlı ha…
Dünən axşam saatlarında Bakı Olimpiya Stadionunda maraqlı hadisə baş verib. Futbolinfo.az xəbər verir ki, məşq üçün buraya gələn 16 yaşlılardan ibarət komandamız paltardəyişmə otağı tapa bilməyib.
Bunsa səbəb cavabdeh şəxslərin iş vaxtının başa çatması ilə əlaqədar evə getməsi göstərilir. Belə olan halda yığma nümayəndələri futbolçuların paltarlarını dəyişməsi üçün "Sportster" meydançalarının işçilərindən soyunub geyinmə otağı istəsə də, buna nail ola bilməyiblər. Həmin vaxt MFL-in (Mini Futbol Liqası) oyunları keçirildiyindən oranın da platardəyişmə otaqları boş olmayıb. Çoxsaylı zənglərdən sonra da istəyinə çata bilməyən məşqçilər korpusu çarəni məşq meydançasının ehtiyat oyunçular skamyasından yararlanmaqda görüblər. Belə ki, futbolçular məhz burada formalarını dəyişiblər.
Digər məsələ isə məşq keçiriləcək meydançanın böyük hissəsinin qarla örtülü olması idi. "Sportster" nümayəndələrinin verdiyi məlumtlara inansaq, milli adətən günorta vaxtlarında məşq üçün buraya gəlib, soyunub-geyinmə otağından da istifadə edə biliblər. Amma dünən əvvəlcədən məlumat verilmədiyi üçün məşqçi heyəti otaqların MFL-in oyunları ilə əlaqədar məşğul olmağından bixəbər olublar.
Məsələ ilə bağlı 16 yaşlılardan ibarət milli komandamızın baş məşqçisi Vüqar Məmmədovun fikirlərini öyrəndik: “Bizə əvvəlcədən paltardəyişmə otağının olmayacağı və meydançanın yarısının qarla örtülü olduğu deyilmişdi. Normalda biz həmişə ora hazır şəkildə gedirik, yalnız butsları meydançanın kənarında dəyişirik. Sadəcə, mənim səhvimdən dünənki vəziyyət yaranıb. Bizə belə deyildiyini unutmuşdum. Proqramda məşq əvvəlcə 15:00 nəzərdə tutulmuşdu, amma sonrada dəyişiklik edilib 18:30-a salındı”.