Dünya futbolu
Noyer: ardıcıl 4-cü dəfə
"Bavariya"nın qolkiperi Manuel Noyer Beynəlxalq Futbol Tar…
"Bavariya"nın qolkiperi Manuel Noyer Beynəlxalq Futbol Tarixi və Statistikaları Federasiyası (İFFHS) tərəfindən təqdim olunan "İlin ən yaxşı qapıçısı" mükafatının sahibi olub.
Futbolinfo.az xəbər verir ki, İFFHS-nin məlumatına görə, 58 ölkədən futbol jurnalistləri və mütəxəsislərinin iştirakı ilə 30-cu dəfə təşkil olunan səsvermədə 2016-nın ən yaxşı qapıçısı seçilib. "Bavariya" forması ilə bundesliqada çempion, Almaniya kubokunda qalib olan qapıçı 156 xal toplayaraq, ardıcıl 4-cü dəfə bu mükafata yiyələnib.
Bu mükafata daha öncə 4 dəfə laiq görülən "Yuventus"un əlcək sahibi Canluici Buffon bu il 91 xalla ikinci olarkən, tarixində ilk dəfə Avropa çempionluğunu qazanan Portuqaliya milli komandasının qapıçısı Rui Patrisio isə 3-cü sırada (50 xal) özünə yer tapıb.