Ölkə futbolu
İmtahandan keçməyən 4 məşqçi: Samir Musayev 2-ci dəfə “kəsilib”
Bir neçə gün əvvəl AFFA-nın inzibati binasında UEFA-n…
Bir neçə gün əvvəl AFFA-nın inzibati binasında UEFA-nın A kateqoriyalı məşqçi kursunu müvəffəqiyyətlə başa vurmuş mütəxəssislərə müvafiq diplom təqdim olunub. Fərqlənənlər arasında Rəşad Sadıqov, Cahangir Həsənzadə, Elçin Rəhmanov, Samir Ələkbərov, Mübariz Orucov, Emin İmaməliyev, Ceyhun Sultanov, Araz Qulamov, Zamin Həsənov və Vasif Haqverdiyevin adına rast gəlmək olar.
Amma bu sınaq heç də hamı üçün müvəffəqiyyətlə yekunlaşmayıb – 4 məşqçi kateqoriya ala bilməyib. Bunlardan ən çox diqqətçəkən “Qarabağ”ın U-16 komandasının baş məşqçisi Samir Musayevdi. Hansı ki, onun rəhbərliyi altında adıçəkilən yaş qrupu 2015-ci ildə AFFA-nın təşkil etdiyi yarışların qızıl medalını qazanmışdı.
Digər maraqlı məqam isə çalışdırıcının artıq 2-ci dəfədi ki, bu sınaqdan keçə bilməməsidi. Sabiq hücumçudan kəsilmə səbəbini öyrənmək istəsək də, o, özü də bunun səbəbindən xəbərsiz olduğunu dedi.
Elə “İnter”in UGFM-in direktoru Rafael Yusifovun da səs tonundan bu haqda danışmağa maraqlı olmadığı hiss edilirdi. Yusifov hansı səbəbdən uğursuzluğa düçar olduğunu bilsə də, bunu kursa rəhbərlik edən Aslan Kərimovdan soruşmağmızın daha məqsədəuyğun olduğunu bildirdi. O, Aslan ki, günboyu telefeon zənglərimizi cavabsız qoydu…
Yalnız “Sumqayıt”ın 15 yaşlılarına rəhbərlik edən Vüqar Quliyev danışdı: “Fikrimcə, imtahanları normal verə bildim. Sadəcə, bizdən imtahan götürən müəllimilərimiz bizə qiymət verirlər. Sınaqlardan nə dərəcədə uğurla keçdiyimi onlar deyə bilər, fikirlərinə hörmət edirəm. Fikrimcə, şifahi sual-cavabdan kəsilmişəm. Burada mənim yox, onların fikri önəmlidi. Buna baxmayaraq, çox şey əldə etdim, öyrəndim. Gələn illərdə növbəti dəfə kurslara qatılıb, kateqoriyanı əldə etməyə çalışacam. Kiminsə köməkliyi ilə yox, öz gücümə keçmək istəyirəm”.
“Neftçi”nin U-14 komandasının baş məşqçisi Eldəniz Məmmədov isə sükan arxasında olduğundan bir neçə dəqiqə sonra əlaqə saxlamağımızı istədi. Amma dediyi vaxtda bir neçə dəfə zəng etsək də, o, telefonu söndütməyi lazım bildi.
AFFA-da məşqçi kateqoriyası ilə bağlı məsələlərin qeydiyyatıyla məşqul olan Anar Şıxıyevin dediyinə görə, kəsilən məşqçilərin növbəti imtahanda uğur qazanmaq şansı cüzidi. Onların 2018-ci ildə istəyinə çatmaq ehtimalı daha böyükdü.
ELMAR ABDULA-ZADƏ
- Ölkə futbolu2024-04-13 08:35
Leandro Azərbaycan dilini öyrənib: “Qarabağ”da yaşadıqlarım mənim üçün gözəl hekayədir”
- Premyer-liqa2024-04-13 20:52
“Neftçi” “Araz-Naxçıvan”ı darmadağınla yola saldı
- Milli komanda2024-04-12 18:00
Millinin Gürcüstanla oyunlar üçün heyəti açıqlandı
- Premyer-liqa2024-04-12 20:56
“Sumqayıt”la “Zirə”dən heç-heçə