Premyer-liqa
Qriqorçukla Deriberinə bir oyunluq cəza kəsildi
Bu gün AFFA İntizam Komitəsinin növbəti iclası keç…
Bu gün AFFA İntizam Komitəsinin növbəti iclası keçirilib. Futbolinfo.az xəbər verir ki, aparılan müzakirələrdən sonra Topaz Premyer Liqasının 16-cı turunun oyunları ilə bağlı aşağıdakı qərarlar çıxarılıb:
AZAL – “Qarabağ” matçının 45+3-cü dəqiqəsində AZAL-ın futbolçusu Sadio Tounkara ikinci sarı vərəqə alaraq meydançadan kənarlaşdırıldığı üçün 1 oyun cəzalanıb, klubu 200 manat cərimə olunub.
“Qəbələ” – “Neftçi” matçında “Qəbələ”nin 4 futbolçusu sarı vərəqə ilə cəzalandığı üçün klub 800 manat cərimə olunub. Oyunun 90+1-ci dəqiqəsində “Qəbələ”nin baş məşqçisi Roman Qriqorçuk və “Neftçi” klubunun məşqçisi Aleksandr Deriberin texniki zona qaydalarını pozduqlarına görə hər iki məşqçi 1 oyun cəzalanıb, “Qəbələ”nin baş məşqçisi bu halı ikinci dəfə təkrarladığı üçün klubu 1600 manat, “Neftçi” isə 800 manat cərimə olunub.
Anoloji hadisə yenidən təkrarlanacağı təqdirdə klublara daha ağır sanksiya tətbiq olunacaq.
“Zirə” – “Kəpəz” matçında “Zirə”nin 5, “Kəpəz”in 4 futbolçuları sarı vərəqə ilə cəzalandıqları üçün hər iki klub 800 manat cərimə olunub. Oyunun 28-ci dəqiqəsində “Zirə”nin futbolçusu Meza Colli və oyunun 90+3-cü dəqiqəsində “Kəpəz”in futbolçusu Renan Da Silva aqressiv davranışa görə birbaşa qırmızı vərəqə alaraq meydançadan kənarlaşdırıldıqları üçün hər iki futbolçu 2 oyun cəzalanıb, klubları 1600 manat cərimə olunub.
Əvəzedici heyətlərin 16-cı turunun “Qəbələ” – “Neftçi” matçının 78-ci dəqiqəsində “Neftçi”nin futbolçusu Vüsal Hüseynov ikinci sarı vərəqə alaraq meydançadan kənarlaşdırıldığı üçün 1 oyun cəzalanıb, klubu 100 manat cərimə olunub.