Müsahibə
Migel Lorenso: "Heç bir dostluqdan, qardaşlıqdan söhbət gedə bilməz"
"Zirə"nin müdafiəçisi Migel Lorenso Azərbayca…
"Zirə"nin müdafiəçisi Migel Lorenso Azərbaycan Premyer Liqasının 17-ci turu çərçivəsində keçirdikləri "Qarabağ" görüşündən sonra futbolinfo.az saytına müsahibə verib:
– Oyun haqqında fikirlərini öyrənmək istəyərdik.
– Çətin görüş olacağını bilirdik. "Qarabağ" kimi komandalara qarşı diqqətli və səhvsiz oynamaq lazımdı. Biz bunu bacarmadıq, rəqib şanslarından istifadə etdi və qələbə qazandı.
– "Zirə" və "Qarabağ" qardaş komandalar olaraq bilinir. Bu haqda nələr deyə bilərsiz?
– Meydan daxilində dostluq, qardaşlıq yoxdu. "Qarabağ" öz işini gördü və bu gün qələbə qazandı. "Qarabağ"ı təbrik etmək istəyirəm, bizə də təbrik etmək düşər. Amma yenə də qeyd etmək istəyirəm, nəinki "Qarabağ"a, biz bütün komandalara qarşı sona kimi mübarizə aparırıq. Bu gün "Qarabağ" qələbə qazanıbsa, heç bir dostluqdan, qardaşlıqdan söhbət gedə bilməz. Təbii ki, meydanda.
– Premyer Liqanın səviyyəsi sizi qane edir? "Qarabağ" və "Qəbələ"dən başqa digər komandalar arxa planda qalıb. Düşünmürsüs ki, rəqabətsizlik var?
– Düşünürəm ki, müəyyən qədər haqlısız, müəyyən qədər yox. "Qarabağ" və "Qəbələ" daha güclü ola bilər, ancaq gəlin qəbul edək ki, onlar bizim meydançada, "İnter"in meydançasında asanlıqla qələbə qazana bilmirlər. Bizim kimi komandalar da oyununu inkişaf etdirəcək və çempionatın mübarizə səviyyəsi daha da yüksələcək.
– Ötən turlarda hakimliklə bağlı çoxlu söz-söhbət oldu. Sizin ötən tur qolunuz sayılmadı, komanda yoldaşınız qırmızı vərəqə ilə cəzalandı. Ümumiyyətlə hakimlərlə bağlı nə fikirləşirsiniz?
– Mən hakimlər haqqında danışmaq istəmirəm. Biz meydançada öz işimizi görürük, onlar da öz işlərini. Biz ancaq futbol haqqında danışa bilərik.
– Premyer Liqada 8 komanda iştirak edir və bunların yarısı Avropada mübarizə aparmaq hüququ qazanacaq. Bu, nə dərəcə düzgündü?
– Fikrimcə, çox müsbət haldı. Çünki 4 komanda Avropaya getməlidirsə, bu yerlər uğrunda gərgin mübarizə gedir. Bu da çempionata marağı daha da artırır. Növbəti turlarda daha da əzmkər liqa izləyəcəyik.
NİCAT SALMANLI
- Ölkə futbolu2024-05-10 08:00
“Yurqorden” Musa Qurbanlıya qiymət qoydu – 10 milyon kron
- Ölkə futbolu2024-05-10 09:21
“Əks təqdirdə fanatlar Şeydayevi qəbul etməyəcək”
- Dünya futbolu2024-05-10 16:37
AÇ-2024-ün rəsmi mahnısı təqdim edildi – VİDEO
- Ölkə futbolu2024-05-09 13:53
“Azərbaycanda həm yaxşı pul qazandım, həm də hörmət”