Premyer-liqa
AFFA “sabiqlər”ə güvənməli olacaq: Qəbələyə kim getsin?
“Qəbələ” – “Qarabağ” rəqabəti ən …
“Qəbələ” – “Qarabağ” rəqabəti ən pik nöqtəyə çatarkən hamını növbəti turdakı matç düşündürür. Qəbələdə reallaşacaq oyun ətrafında müzakirələr indidən başlayıb.
Hakimlik məsələsi gündəmdə ikən bu matçı kimin müzakirə edəcəyi maraq doğurur. Axı, kimin təyinat almasından asılı olmayaraq, matçı idarə edən briqada böyük yəzyiq altında olacaq.
İstənilən halda, matç baş tutmalıdı və AFFA Hakimlər Komitəsi indidən bu oyuna kimi göndərəcəyini düşünür. Səhv etməyən hakim qalmadığından istənilən təyinatın söz-söhbət doğuracağı şübhəsizdi. Belə məqamlarda adətən FİFA referiləri döyüşə atılır. Lakin Hakimlər Komitəsi seçimi elə edib ki, bu matçda beynəlxalq dərəcəli referilərin fit çalması mümkünsüz görünür.
Əliyar Ağayev son turda “Qəbələ”nin, Ömər Paşayev “Qarabağ”ın səfər oyununu idarə edib. Bu səbəbdən onların yenidən bu komandaların oyununa təyinat almayacağı gözlənilir. Düzdü, mümkündü, lakin bu, ciddi söz-söhbətə səbəb olar. Digər FİFA referisi Rəhim Həsənov son turda istirahət edib. Bu, onun Qəbələyə göndərilməsi ehtimalını artırır. Lakin onun bu komandaların 2-ci dövrədəki oyununda etdiklərini unutmaq olmaz. Hətta həmin matçdan sonra Rəhim bir dəfə də olsun “Qəbələ”nin matçında görünməyib, ona qeyri-rəsmi qadağa qoyulub.
İnqilab Məmmədov cəzalıdı, Rauf Cabbarov, Rəvan Həmzəzadə, Ramil Diniyev bu cür matçı idarə edəcək səviyyədə deyil. Heç Elvin Əsgərov da liderlərin oyununun ağırlığını qaldıra biləcək adam deyil. Qalır Orxan Məmmədov və Fariz Yusifov. Maraqlıdı ki, 16-cı turda bu hakimlər də söz-söhbətə səbəb olmuşdu. Orxan “Qarabağ”ın AZAL-ı yendiyi matçda şüvəlanlıları gözlənilmədən azlıqda qoymuş, Fariz isə “Qəbələ”nin “Neftçi”ni yenməsində penalti təyin etməməklə və ofsayddan vurulan qolu saymaqla “pay sahibi” olmuşdu.
Bunları nəzərə aldıqda məcburən Elvinin üzərinə qayıtmaq istəyirsən. Ancaq Hakimlər Komitəsinin yenə də sabiq FİFA referilərindən birinə üstünlük verməsi daha realdı. Təyinatlar açıqlananda Orxan Məmmədovla Fariz Yusifovdan birinin Qəbələyə göndərildiyini görsəz, təəccüblənməyin.
FƏRİD
- Ölkə futbolu2024-05-22 10:32
“Səbail”ə sponsor zərbəsi: büdcə azaldıldı
- Ölkə futbolu2024-05-21 09:45
“Qarabağ” 3-cü təsnifat mərhələsində də səpələnmişlər sırasında yer alacaq
- I Liqa2024-05-22 18:22
“Şamaxı” I Liqanın qalibi oldu
- Ölkə futbolu2024-05-21 16:00
“Qarabağ”ın ÇL-in yeni mövsümünə 2-ci mərhələdən başlaması ehtimalı böyükdür” – Asif Əsgərov