Ölkə futbolu
İttiham olunanlar razılaşmır: "Biz Çin tanıyırıq?"
1-ci divizionda danışılmış oyunlarla bağlı şübh…
1-ci divizionda danışılmış oyunlarla bağlı şübhələr bitmək bilmir. Ötən aylarda bir neçə futbolçu cəzalandı, bəzi matçların danışlmış olması iddiası böyüdü.
Araşdırmaların davam etdiyi bir vaxtda yeni qalmaqal üzə çıxdı. AFFA prezidenti Rövnəq Abdullayev bugünkü hesabat konfransında daha bir oyunla bağlı araşdırmalara başlanıldığını bildirdi. Bu, 1-ci divizionun 19-cu turu çərçivəsində keçirilən “Şərurspor” – “Göyəzən” matçıdı.
Abdullayev 3:3 hesabı ilə başa çatan matça Çində böyük məbləğdə pul qoyuluşunun edildiyini bidlirdi. Bu haqda AFFA-ya məlumatı UEFA verib.
Məsələ ilə bağlı adları qalmaqalda hallanan hər iki klubun icraçı direktorunun fikirlərin öyrəndik.
Məmmədəli Qəniyev (“Şərurspor”): “Mənim heç nədən xəbərim yoxdu. Kimsə oyuna hesab yazıb, ya yox – bilmirəm. 19 yaşlılarımızın oyununda idim, məsələni indi eşitmişəm. Biz Çin tanıyırıq? Çıxıb, öz oyunumuzu oynayırıq. Qəti belə şey yoxdu. O gün də “Barselona” 5 dəqiqəyə 3 top vurdu, futboldu da. Rövnəq müəllim nə deyib, bilmirəm. Amma haqqımızda söylənilənlər bizə çox pis təsir edib. Biz belə şeylərlə məşğul deyilik. Qol vururuq, şübhələnirlər, buraxırıq, yenə şübhələnirlər. Ondansa ADBTİA-nın rektoru ilə danışın, futbolçularımızı oyunlara buraxmırlar. Bayaq 19 yaşlılarımız AZAL-a yenildi, heyətimizin yarısı oyuna gələ bilməmişdi. İdman nazirliyinə yazırıq, ordan deyirlər AFFA-ya müraciət edin. Onlara da deyirik, deyir nazirliyə müraciət edin”.
Mehdi Salmanov (“Göyəzən”): “Biz təmiz oyun göstərmişik. Bu, bizlik olmayan məsələdi. Heç kimlə danışığa getməmişik. 40 ildi bu işdəyəm, qeyri-mümkündü. Dəqiq deyə bilmərəm, ola bilər rəqibimiz nəsə edib. Həmin matçda hətta qapıçımız da penaltini dəf edib”.
- Ölkə futbolu2024-04-11 10:32
AFFA-nın gülməli seçimi: Uğursuz klub rəhbəri Hakimlər Komitəsinə sədr olacaq?
- Ölkə futbolu2024-04-11 14:10
AFFA-da növbəti təyinatlar olacaq: yeni baş katib və PFL prezidenti
- Ölkə futbolu2024-04-12 08:00
Mikayıl Cabbarovun kadrları azərbaycanlılara qarşı
- Ölkə futbolu2024-04-11 13:34
Lunyov “Qarabağ”ın uğurunun sirrini açdı: məşqçilər, həkimlər və…