Ölkə futbolu
Hansı stadionlar təmir olunacaq?
Gəncəlilər mayı gözləyir. Şəhər stadionu məhz yazın son…
Gəncəlilər mayı gözləyir. Şəhər stadionu məhz yazın son ayında təmirə bağlanacaq, qazon dəyişdiriləcək.
Lakin problemi olan təkcə Gəncə stadionu deyil. Ölkədə bir çox arena var ki, ciddi təmirə ehtiyac duyulur. AFFA prezidenti Rövnəq Abdullayevin son mətbuat konfransında dedikləri də buna sübutdu: “Gəncə şəhər stadionu mövsümün sonunda yeni ot örtüyü ilə təmin ediləcək. Bu, çox bahalı işdi. Ancaq bizim planımız var ki, 10-12 stadionun ot örtüyü dəyişdirilsin”.
Xatırlayırsızsa, Gəncədə təmirin balayacağını ilk olaraq “Futbolinfo” xəbər vermişdi. Amma Rövnəq bəy bizim xəbəri təsdiqləməklə yanaşı, yeni arenalar üçün də işıq ucu verdi. Abdullayev ad açıqlamadı, bəs, görəsən, təmirə bağlanacaq digər stadionlar hansılardı?
Maraqlıdı ki, bundan heç AFFA-da da xəbərdar deyillər. Qurumun mətbuat xidmətinin rəhbəri Mikayıl Nərimanoğlu saytımıza bunları dedi: “Gəncə stadionunun qazonunun dəyişdiriləcəyi dəqiqdi. Artıq bu barədə qərar verilib və AFFA məsuliyyəti üzərinə götürüb. Təmir aparılacaq digər stadionlarla bağlı isə yenilik yoxdu. Rövnəq müəllim belə bir planın olduğunu qeyd etdi, lakin hansılar olduğunu mən də bilmirəm. Çox güman, vəziyyətə uyğun olaraq qiymət veriləcək. Ən çox hansına ehtiyac olsa və maliyyə məsələləri imkan versə, yəqin ki, təmir işləri aparılacaq”.
- Premyer-liqa2024-05-25 08:32
Mövsümün son turuna start verilir
- Ölkə futbolu2024-05-23 12:03
“Neftçi” daha bir legioner aldı: Anderssonun sözü ilə əməli üst-üstə düşmür
- Müsahibə2024-05-24 08:00
Şahin Diniyev: “Qarşımıza avrokuboklara vəsiqə qazanmaq tapşırığı qoyulmamışdı”
- Ölkə futbolu2024-05-24 09:07
“Neftçi” düz bir ildir ki, “Sabah”a qalib gələ bilmir