Premyer-liqa
Diniyev: "Artıq dillər əzbəri olub, hamı meydançadan şikayətlənir"
"Kəpəz"in baş məşqçisi Şahin Diniyev Azərbayca…
"Kəpəz"in baş məşqçisi Şahin Diniyev Azərbaycan Premyer Liqasının 23-cü turu çərçivəsində "Sumqayıt"a qarşı keçirdikləri oyunu şərh edib. Futbolinfo.az xəbər verir ki, Gəncə klubunun çalışdırıcısı 1:0 hesabıyla bitən qarşılaşmadan sonra bunları söyləyib:
"Xalqımızın bayramını təbrik edirəm. Matça gəlincə, gərgin alındı. Oyunlarımızın hamısı minalanmış bir meydanda gəzişməyə oxşayır. Səhv addım ata bilmərik. Bizə oyundan çox nəticə lazımdır. İtirdiklərimizi itirmişik. Sevinirəm ki, komandamız 5 görüşdür uduzmur. Bu gün nəticəni ilk hissədə təmin edib, fasilədən sonra əks-hücumlara bel bağlamaq istəyirdik. Bu da alınırdı, 2-ci qolu da vura bilərdik. 1:0 sürüşkən hesabdır. Bu gün layiqli qələbə qazandıq. Yolumuza davam edirik. Bu meydança ən çox bizə mane olur. Bizim hücum quran futbolçularımızın hamısı texniki cəhətdən yaxşıdırlar. Bu qazonda yaratmaq çətin, dağıtmaq asandır. Biz rəqib komandalardan sonra Gəncəyə gəlirik. Hər iki komanda eyni meydançada oynayır. Artıq dillər əzbəri olub, hamı meydançadan şikayətlənir. Futbol yalnız texnika deyil ki. Məncə, bu səbəb deyil. Belə meydança rəqiblərə daha çox sərf edir. Çünki biz evdə oynayırıq, nəsə yaratmalıyıq, udmalıyıq. Avrokubok şanslarımıza gəlincə, futboldur, hər şey ola bilər. Bu gün 4-cü yerlə xal fərqi 5-ə enib. Komandamız "qara zolaq”dan çıxmışıq. Sona qədər vuruşacağıq. Yekəxanalıq olmasın, Fatih Terimin bir sözü var – biz bitdi demədən, bitməz. Yəni, ancaq biz özümüz dayana bilərik. Hər şey bizim əlimizdədir. Çox önəmli xallar itirmişik. Bu, bizi peşman edir. Allah hər bir yaxşı şeyi çətinliklə verir".
- Premyer-liqa2024-05-17 23:50
“Əcnəbi hakimlərinin dəvət olunmasını xoş qarşılamadım” – Qurban Qurbanov
- Premyer-liqa2024-05-18 18:58
“Neftçi”, “Zirə” və “Sabah”dan vacib qələbə
- Ölkə futbolu2024-05-19 10:44
Mahirin 2024-cü ildə ilk oyunu
- Premyer-liqa2024-05-18 09:00
“Sabah” “Sumqayıt”a, “Səbail” “Neftçi”yə, “Kəpəz” “Zirə”yə qarşı