“Qarabağ” qalib gəldi, “Qəbələ” yenə xal itirdi

Bu gün Topaz Premyer Liqasında 24-cü turun oyunları keçirilib. Futbolinfo.az xəbər verir ki, milli komandaların oyunları ilə əlaqədar yaranan fasilədən sonrakı ilk turun bütün görüşləri eyni gündə baş tutub.

Turun açılış matçı Sumqayıtda keçirilib. Şəhərin eyniadlı təmsilçisi doğma meydanda "Neftçi" ilə qarşılaşıb. Qış fasiləsindən sonra inamlı çıxış etməsinə baxmayaraq, "ağ-qaralar" bu görüşdə məğlubiyyətlə üzləşib. Bu qələbə "Sumqayıt"ın yenidən "Neftçi"ni turnir cədvəlində qabaqlamasına kömək edib.

Növbəti oyunda iki paytaxt klubunun dueli baş tutub. “İnter” öz meydanında AZAL-la qarşılaşıb. Üç qolun vurulduğu oyunda qələbəni meydan sahibləri bayram ediblər.

Lider “Qarabağ” bu tur əzəli rəqiblərindən olan “Kəpəz”lə qarşılaşıb. Hesabı gəncəlilər açsa da, sonda Ağdam klubu əzmkar qələbə qazanmağı bacarıb.

Turun mərkəzi oyununda ötən mövsümün mükafatçıları “Zirə” və “Qəbələ” üz-üzə gəlib. Meydan sahibləri erkən qolla hesabı açsa da, ikinci hissədə bu üstünlüyü əldən veriblər. Qarşılaşmada başqa qol olmadığından liderin əsas izləyicisi növbəti xal itkisi ilə üzləşib. 

Topaz Premyer Liqası
24-cü tur
2 aprel (bazar)

“Sumqayıt” – “Neftçi” – 2:0 (0:0)
Qollar: B.Həsənalızadə, 60 (1:0). A.Yunanov, 63 (2:0).
Hakimlər: Rəhim Həsənov, Knyaz Əmiraslanov, Cəmil quliyev, Ramil Diniyev.
Sumqayıt. “Kapital Bank Arena”.

“Sumqayıt”: 1. Fərhad Vəliyev, 2. Rail Məlikov, 3. Vurğun Hüseynov (k), 8. Nicat Muxtarov, 9. Amil Yunanov, 10. Məhəmməd Qurbanov, 14. Bəxtiyar Həsənalızadə, 19. Azər Salahlı, 20. Fərhad Qıstarov, 22. Mirabdulla Abbasov, 77. Ehtiram Şahverdiyev.
Ehtiyat oyunçular: 92. Mehdi Cənnətov, 5. Seymur Əsədov, 13. Bəhlul Mustafazadə, 21. Nasir Abilayev, 39. Tural Bayramlı, 74. Yusif Nəbiyev, 97. Xəyal Nəcəfov.
Baş məşqçi: Samir Abasov.
“Neftçi”: 53. Maksim Vaylo, 6. Pavel Dreksa, 7. Namiq Ələsgərov, 8. Zdenek Folprext, 10. Cavid İmamverdiyev (k), 11. İqnasio Herrera Fernandes, 12. Daniel Seqovia, 17. Rəhman Hacıyev, 25. Kiril Petrov, 27. Məqsəd İsayev, 29. Georgi Navalovski.
Ehtiyat oyunçular: 66. Kamran İbrahimov, 3. Jayro Rodriges, 5. Anton Krivotsyuk, 9. Uqo Barqas, 13. Murad Ağayev, 80. Edson Kastilyo, 95. Elvin Bədəlov.
Baş məşqçi: Elxan Abdullayev.

“İnter” – AZAL – 2:1 (0:0)
Qollar: D.Silva, 48 (1:0). R.Əliyev, 90+2 (2:0). N.Kvirtiya, 90+2 (2:1).
Hakimlər: Rəvan Həmzəzadə, Yaşar Abbasov, Elşad Abdullayev, Fariz Yusifov.
Bakı. “İnter Arena”.

“İnter”: 13. Orxan Sadıqlı, 14. Zurab Xizanişvili, 33. Tərlan Quliyev, 27. Adrian Skarlatake, 22. İlkin Qırtımov, 4. Slavik Alxasov, 19. Mirhüseyn Seyidov, 24. Fuad Bayramov, 8. Nizami Hacıyev (k), 9. Pərdis Fərcad-Azad, 11. Rauf Əliyev.
Ehtiyat oyunçular: 16. Şahin Zəkiyev, 3. Denis Silva, 2. Sertan Taşkın, 10. Elnur Abdullayev, 88. Məmməd Quliyev, 6. Samir Zərgərov, 7. Mirsahib Abbasov.
Baş məşqçi: Zaur Svanadze.
AZAL: 23. Aqil Məmmədov, 24. Emin Cəfərquliyev (k), 18. Ruslan Əmircanov, 5. Kamil Hüseynov, 2. Elşad Manafov, 7. Kamal Mirzəyev, 70. Vaqif Cavadov, 77. Arkadi Qalperin, 6. Bəxtiyar Soltanov, 8. Sadio Tounkara, 10. Nuqzar Kvirtiya.
Ehtiyat oyunçular: 1. Tərlan Qasımzadə, 55. Qeyrət Qənbərov, 27. Rəşad Abdullayev, 19. Elnur Süleymanov, 21. Samir Məsimov, 11. Frank Madu, 36. Renat Aşurov.
Baş məşqçi: Tərlan Əhmədov.

“Qarabağ” – “Kəpəz” – 2:1 (1:1)
Qollar: K.Diniyev, 26 (0:1). D.Ndlovu, 41 (1:1). M.Madera, 47 (2:1).
Hakimlər: Rauf Cabbarov, Azər Əsgərov, Vüsal Qənbərov, Əliyar Ağayev.
Bakı. Tofiq Bəhramov adına Respublika stadionu.

“Qarabağ”: 12. Şahruddin Məhəmmədəliyev, 2. Qara Qarayev, 5. Maksim Medvedev, 6. Dino Ndlovu, 8. Markos Madera, 14. Rəşad Sadıqov (k), 22. Əfran İsmayılov, 25. Ansi Aqolli, 32. Elvin Yunuszadə, 44. Ağabala Ramazanov, 77. Elşən Abdullayev.
Ehtiyat oyunçular: 1. Boyan Şaranov, 10. Muarem Muarem, 11. Mahir Mədətov, 15. Rahid Əmirquliyev, 18. İlqar Qurbanov, 21. Arif Daşdəmirov, 71. Vüqar Nadirov.
Baş məşqçi: Qurban Qurbanov.
“Kəpəz”: 30. Davud Kərimi, 18. Tural Axundov (k), 25. Şəhriyar Əliyev, 36. Renan Silva, 21. Novruz Məmmədov, 5. Kərim Diniyev, 6. Ceyhun Cavadov, 19. Orxan Əliyev, 10. Dario Federiko, 77. Serjinyo, 90. Julien Ebah.
Ehtiyat oyunçular: 88. Tadas Simaitis, 15. Azad Kərimov, 23. Tural Nərimanov, 9. Tural Qürbətov, 80. Tural Rzayev, 7. Vüqar Bəybalayev, 68. Əli Nuri.
Baş məşqçi: Şahin Diniyev.

“Qəbələ” – “Zirə” – 1:1 (1:0)
Qollar: S.Zenyov, 8 (1:0). S.M.Kolli, 61 (1:1).
Hakimlər: İnqilab Məmmədov, İsgəndər Əliyev, Cavanşir Yusifov, Elvin Əsgərov.
Qəbələ şəhər stadionu.

“Qəbələ”: 22. Dmitri Bezotosnı, 3. Voyislav Stankoviç, 6. Rəşad Sadiqov, 7. Nika Kvekveskiri, 9. Sergey Zenyov, 10. Ruslan Qurbanov, 14. Cavid Hüseynov (k), 19. Filip Ozobiç, 34. Ürfan Abbasov, 44. Rafael Santos, 88. Tellur Mütəllimov.
Ehtiyat oyunçular: 33. David Petrkeviç, 8. Qismət Alıyev, 11. Asif Məmmədov, 17. Məhəmməd Mirzəbəyov, 18. Baqali Dabo, 31. Daniel Subotiç, 77. Araz Abdullayev.
Baş məşqçi: Roman Qriqorçuk.
“Zirə”: 1. Anar Nəzirov (k), 5. Adil Nağıyev, 39. Sadiq Quliyev, 23. Yovan Krneta, 28. Təmkin Xəlilzadə, 13. Aleksandr Şemonayev, 6. Vüqar Mustafayev, 8. Milan Duriç, 20. Sezar Meza Kolli, 7. Amadu Sanqar, 43. Riçard Qadze.
Ehtiyat oyunçular: 85. Kamal Bayramov, 44. Migel Lorenso, 26. Georgi Qoroziya, 38. İlkin Muradov, 21. Murad Səttarlı, 17. Vüsal İsgəndərli, 9. Nurlan Novruzov.
Baş məşqçi: Ayxan Abbasov.