Premyer-liqa
Tərlan Əhmədov: "Hər şey büdcədən asılıdı"
AZAL-ın baş məşqçisi Tərlan Əhmədov Topaz Premyer Liqas?…
AZAL-ın baş məşqçisi Tərlan Əhmədov Topaz Premyer Liqasının 24-cü turu çərçivəsində "İnter"ə qarşı keçirdikləri oyunu şərh edib. Futbolinfo.az xəbər verir ki, "təyyarəçilər"in çalışdırıcısı 1:2 hesabıyla bitən qarşılaşmadan sonra bunları söyləyib:
– Komandamın oyunundan zövq aldım. Rəqibi təzyiq altında saxladıq. Ancaq bu, nəticəyə təsir etmədi. Standard vəziyyətlərdə diqqətsizliyin qurbanı olduq. Ümumilikdə, bu gün yaxşı çıxış etdik. Təəssüf ki, məğlub olduq. Bundan sonra necə olacağını mən də bilmirəm. Komandanın oyununda yüksəliş var.
– Çempionatda sonuncu yeri tutacağınız rəsmiləşdi. Əziyyətinizə heyfiniz gəlmir?
– İki il bundan əvvəlki mövsümə görə daha çox təəssüflənirəm. Yaxşı komanda qurmuşduq, amma uşaqların hərəsi bir tərəfə dağıldı. Sonuncu pillədə olmamlı idik. Deməli, bu, bizim alnımıza yazılıb. Bu nə məndən, nə də uşaqlardan asılıdı. Obyektiv olanlar başa düşərlər ki, biz oyunumuza görə sonuncu pillədə deyilik. Bir komanda çempionluq istəyirsə, bunu xadiməçidən tutmuş, prezidentə qədər hər kəs istəməlidi.
– Bizdə hər dəfə sonuncu pilləni tutan komanda diviziona yuvarlanmır. Fərqli qərarların şahidi olmuşuq. Bu dəfə də AZAL-ı elitada saxlayacaqlarına inanırsız?
– Bu barədə heç bir məlumatım yoxdu. Heç fikirləşmirəm də. Bu, mənim işim deyil. Hansı qərarların qəbul olunacağını bilmirik. Son oyunlarda bir neçə qələbə qazanmaq istəyirik. Biz də gölzəyirik.
– AZAL-ı Birinci Divizionda da çalışdırarsız?
– Fikrət Hüseynovla birlikdə cavanlıqda futbol oynamışıq. Son iki ildə komandanı atıb getmədim. Birinci Diviziona düşsək, hər şey büdcədən asılıdı. Büdcə yenidən elitaya çıxıb, yaxşı mübarizə aparmaq üçün yetərli olsa, bəli, çalışdıraram.
– Bəs, Tərlan Əhmədovun taleyi necə olacaq?
– Açıq deyim, təkliflərin olduğunu eşidirəm, amma real heç nə yoxdu. Aqibətimin necə olacağını bilmirəm. Fikrimi qalan oyunlara yönəltmişəm.
NİCAT SALMANLI
- Ölkə futbolu2024-04-21 11:50
Rəfiyev “Sabah” üçün plan qurub: rəqibinin rəqibini stimullaşdırır
- Ölkə futbolu2024-04-21 10:19
Yeni AFFA rəhbərliyi də əcnəbilərə üz tutdu: hər şey xorvatlara tapşırılacaq
- Ölkə futbolu2024-04-21 08:00
Andersonun dediyi kimi…
- Premyer-liqa2024-04-20 20:55
“Zirə” “Neftçi”yə qalib gəldi