Ölkə futbolu
Topaz Premyer Liqası: daha 5 addım irəli
Beynəlxalq Futbol Tarixi və Statistikaları Federasiyası (İFFHS) d…
Beynəlxalq Futbol Tarixi və Statistikaları Federasiyası (İFFHS) dünyanın ən güclü futbol liqalarının siyahısını açıqlayıb. 2016-cı ilin yekunlarının əksini tapdığı cədvəldə planetin 80 ən güclü liqası yer alıb.
Siyahıya Azərbaycan çempionatı da daxil edilib. Topaz Premyer Liqası 450,5 xalla dünyanın 33-cü çempionatıdı. Ötən cədvəldə 38-ci olan Azərbaycan çempionatı 1 il əvvəlki ilə müqayisədə 5 addım irəliləyib.
Bu, futbolumuz üçün yeni rekorddu. 2014-cü ilin yekunlarının açıqlandığı 2015-ci ilin əvvəlində Premyer Liqa 37-ci yerdə qərarlaşmışdı. Həmin rekord 4 pillə yaxşılaşdırılıb. Buna xal aktivinin artması səbəb olub. Premyer Liqa son bir ildə 5,5 xal qazanıb. Nəticədə çempionatımız Çin, Serbiya, Belarus, Uruqvay kimi nüfuzlu liqaları arxada qoyub.
Siyahıda ilk 3 pilləni İspaniya (1277), Kolumbiya (984) və Fransa (938) çempionatları tutur. Türkiyə Superliqası 7 pillə irəliləyərək, 10-cu yerə yüksəlib – 705,5 xal.
2007-ci ildə “100-lüy”ə daxil olan, növbəti il oranı tərk edən çempionatımızın 2008-ci ildəki göstərici son 10 ilin ən zəif nəticəsi hesab olunur. Həmin vaxt 106-cı olan çempionatımız 8 il ərzində 73 pillə inkişaf edib.
“Gördüyümüz işə özümüzün qiymət verməyimiz doğru olmaz. Bunu buraxaq futbol ictimaiyyətinin ixtiyarına, onlar qiymət versinlər” – bu sözləri isə apasport.az saytına açıqlamasında Peşəkar Futbol Liqasının (PFL) prezidenti Ramin Musayev deyib.
Buna sevindiyini bildirən PFL rəhbərinin arzusu milli komandamızın da dünya reytinqində irəliləməsidi: “Çalışırıq ki, tutduğumuz işin öhdəsindən layiqincə gələk. Çempionatımızın dünya reytinqində rekord yeniləməsi bizim üçün sevindirici haldı. İstərdik ki, bu rekord davam etsin, nəinki çempionatımız, hətta milli komandamız da reytinqdə yüksək sıralarda qərarlaşsın. Çalışdığımız budu. Çempionatımız irəliləsin ki, millimiz də irəliləyə bilsin. Məqsədimiz Azərbaycanın adını bacardığımız qədər yüksəklərə qaldırmaqdı”.
Azərbaycan çempionatında cəmi 8 komandanın iştirakı gələcəkdə İFFHS-in sıralamasındakı mövqeyimizə də mənfi təsir göstərə bilər. Ancaq Musayev buna imkan verməməyə çalışacaqlarını söyləyib: “Yəqin ki, gələn mövsüm çempionatdakı komandaların sayı artar. Əgər artmasa belə, çalışacağıq ki, Premyer Liqamız heç olmasa, 33-cü pillədən aşağı düşməsin”.
- Ölkə futbolu2024-04-11 10:32
AFFA-nın gülməli seçimi: Uğursuz klub rəhbəri Hakimlər Komitəsinə sədr olacaq?
- Ölkə futbolu2024-04-11 14:10
AFFA-da növbəti təyinatlar olacaq: yeni baş katib və PFL prezidenti
- Ölkə futbolu2024-04-11 13:34
Lunyov “Qarabağ”ın uğurunun sirrini açdı: məşqçilər, həkimlər və…
- Ölkə futbolu2024-04-12 08:00
Mikayıl Cabbarovun kadrları azərbaycanlılara qarşı