Premyer-liqa
"Neftçi" Gəncədə dəstəksiz qalmayacaq
Bu gün "Kəpəz"in qonağı olacaq "Neftçi&…
Bu gün "Kəpəz"in qonağı olacaq "Neftçi" Gəncədə dəstəksiz qalmayacaq. Futbolinfo.az saytının Gəncəyə ezam olunmuş əməkdaşının verdiyi xəbərə görə, Bakıdan 25 "Forza" fanatı Topaz Premyer Liqası çərçivəsində keçiriləcək növbəti oyun üçün qərb bölgəsinə gəlib.
Fanatlar səfər oyununa təkcə komandaya dəstək vermək üçün gəlməyib. Baş məşqçi Elxan Abdullayevin son mətbuat konfransında dedikləri də yəqin ki, matçın gedişindən asılı olaraq, azarkeşlərin "yadına düşəcək".
Amma Bakıdan gələnlərin sayı daha çox olacaq. Belə ki, "Flaqman" azarkeş qrupunun və başqa dəstələrin də xeyli fanatının Gəncədə olacağı gözlənilir. Ümumi say 50-dən çox olmalıdı.
Gəncəlilər də oyuna biganə deyil. Matçın başlanmasına saat yarım qalsa da, artıq fanatlar tribunalara axışır. Tarixi komandaların duelində anşlaq gözlənilməsə də, matça ciddi maraq var.
Xoşa gəlməyən məqam şəhərdə qarşılaşma ilə bağlı afişaların gözə dəyməməsidi. Bəlkə də bu işlər yüksək səviyyədə görülsəydi, tribunalar dolardı.