Ölkə futbolu
Qriqorçuk yeni müqaviləni Avstriyada imzalayacaq
"Biz bu xəbəri mətbuatdan oxumuşuq. O, bizimlə əlaqə saxla…
"Biz bu xəbəri mətbuatdan oxumuşuq. O, bizimlə əlaqə saxlayaraq, bu haqda heç nə deməyib. Yenilikləri saytlar vasitəsilə öyrənirik" – bu sözləri "Qəbələ"nin rəisi Səbuhi Səfiyarlı deyib.
“Qəbələ”nin baş məşqçisi Roman Qriqorçuk yenə Kiyev “Dinamo”suna namizəd göstərilib. Bu haqda Ukraynanın sportanalytic.com saytı məlumat yayıb. Saytın klubdakı mənbəsinə istinadən yazdığına görə, “Dinamo”nun prezidenti İqor Surkis məhz Qriqorçukun namizədliyi üzərində dayanıb.
Kiyevlilər bu mövsüm komandanı çempion edə bilməyən baş məqşçisi Sergey Rebrovla yollarını ayırmağı qətiləşdirib. Qriqorçukun “Qəbələ” ilə müqaviləsi başa çatsa da, Heydərovlar onu saxlamaq fikrindədi. "Qırmızı-qaralar" 2,5 ildi ona rəhbərlik edən 52 yaşlı ukraynalı mütəxəssislə ilkin razılıq əldə edib.
O, bugünlərdə 1 illik yeni sözləşməyə qol çəkməlidi. Bunun üçün təcili Bakıya qayıtmasına gərək qalmayıb, tərəflər kontraktı internet üzərindən rəsmiləşdirməyə razılaşıb. Həmkarlarımız 52 yaşlı mütəxəssisin “Qəbələ” ilə yeni 1 illik müqavilə imzaladığı, buna baxmayaraq, “Dinamo”nun təzminat haqqını belə, ödəməyə hazır olduğu yazılıb. Rebrovun çalışdırdığı “Dinamo”da bir müddət əvvəl baş məşqçi postuna “Dnepr”in çalışdırıcısı Dmitri Mixaylenkonun adı çəkilir.
Səfiyarlı “sportinfo”ya açıqlamasında bunları deyib: "Komandamızın yerli futbolçular iyunun 7-də bir araya gələcək. 3 gün sonra Avstriyada təlim-məşq toplanışına yollanacağıq. Qriqorçuk birbaşa ora gələcək. O, vətəninə yollanmadan əvvəl klub rəhbərliyi ilə görüşüb, yeni müqavilənin şərtlərini şifahi formada razılaşdırıb. Aramızda qaranlıq nəsə qalmayıb. Komandanın hazırlıq planını və transfer siyasətini Qriqorçuk müəyyənləşdirib. Bütün bu işləri onun razılığı ilə həyata keçiririk. Danışmışdıq ki, yeni müqaviləyə Avstriyada qol çəksin. İndi bu xəbər… Son günlər əlaqəmiz olmayıb. Getmək fikri olsaydı, yəqin ki, artıq bizə dəyərdi".