Layihə
“Neftçi” həqiqətləri: kreditlə yaşayan klub
(əvvəli bu linkdə)
“Neftçi”də mara…
“Neftçi”də marağı olan, söz sahibi olmaq üçün mübarizə aparan qruplardan danışarkən Rövnəq Abdulayevi unutduq. Axı, necə ola bilər ki, AFFA prezidenti SOCAR-ın da rəhbəri ola-ola hər iki qurumdakı müavinləri at oynatsın, o isə izləyici olsun. Qəribə olsa da, belədi – AFFA prezidenti vaxtilə daha çox nəzarət etdiyi, Sadıq Sadıqov vasitəsilə himayəsində saxladığı klubu indi başqalarına güzəştə gedib. O, Sadiq bəyi cüdo federasiyasında qanadı altına almaqla bu şəxsi hesabdan silmədiyini nümayiş etdirir, lakin “Neftçi”yə qarışmır.
Fürsətdi. Abdullayev bununla daim “Neftçi”ni onun əlindən almağa çalışan şəxslərə əyani dərs keçir. Həm öz vaxtında, həm də Sadıqovun dönəmində tarixi uğurları sıralayan, nüfuzlu vaxtında “Birlik kuboku”nu qazanan, ardıcıl çempion olan, avrokuboklarda ilk dəfə qrupa düşən komandanı yeni dəstəyə təhvil verib və uğursuzlulara əl çalır. Büdcə həminkidi, nəticələr isə dəhşətli dərəcədə pisləşib. Bu isə birbaşa zəkayla, idarəetmə bacarığı ilə bağlıdı. Məmmədovun və həvadarlarının dəstəsi isə özünü biabır etməkdə davam edir və Rövnəq bəy də bundan zövq alır.
Amma AFFA prezidenti “Neftçi”ni tamamilə talenin ümidinə də buraxmayıb. Lazım gələndə büdcəni dondurmaq, ödənişləri yubatmaqla təsir gücünü göstərir. Məsələn, qışda belə bir hal yaşandı.
“Neftçi” çempionatın ilk yarısını autsayderlər sırasında bitirmiş, komandaya ayrılan büdcə xərclənmişdi. 10-a yaxın əcnəbinin gəlib-getməsi, Emil Mpenzaya görə kəsilən cəzanın ödənilməsi üçün sərf edilən milyon dollar və kəskin çox olan kənar xərclər üzündən 1 illik büdcə 6 aya xərclənmişdi. Belədə yeni təyin olunan rəhbərlik vəziyyəti düzəltmək, nəticəni yaxşılaşdırmaq üçün yenə pul istədi, amma “yox” cavabı aldı. Bu məqamda hətta yuxarılar da vədini yerinə yetirə bilmədi – əsas rəhbər çox qəzəblənmişdi, Sadıqovun qovulmasından sonra bərbad idarəçiliyin qisasını alırdı.
Lakin Elxan Məmmədovun dəstəsi təslim olmadı. Onlar nəticəni yaxşılaşdırmaq, avrokuboklara vəsiqə qazanmaqla büdcənin bərpa olunacağına əmin olarak riskə getdilər. Qışda 3 milyon manat kredit götürüldü. Klub bunu inkar etsə, gizlətsə də, əldə etdiyimiz məlumata görə, qışda edilən çoxsaylı transferlər məhz kreditin hesabına reallaşdı. Lakin fiasko davam etdi, klub nəticələri yaxşılaşdıra bilmədi və SOCAR-dan böyük pullar ayrılmadı.
Kredit məsələsi zarafat deyil. Bu, artıq klubun sonu deməkdi. “Bakı” dağılanda, “İnter” fiaskoya uğrayanda da paytaxt klublarının məhz eyni yolla məhv edildiyi aşkarlandı. İndi isə “Neftçi” bu yolu gedir.
İndi yeni mövsüm üçün 6-7 milyon manatlıq büdcə ayrılacaq. Amma iş ondadı ki, klubun xərcləri o qədər çoxdu ki, yeni transferlərə imkan yoxdu. Həmin pulla həm mövsüm yola verilməli, həm də kredit bağlanmalıdı. Klubda futbola dəxli olmayan o qədər adam var ki, onların maaşına AZAL kimi 3 komanda saxlamaq olar.
“Neftçi”nin bölüşdürülməsində başqa qüvvələr maraqlıdı və onlar hakimiyyət uğrunda bir-birinin qanını da içməyə hazırdılar. Və pul o qədər şirindi ki, hətta dəstənin daxilində də amansız çəkişmələr gedir. Elnur Məmmədovun qovulma prosesini yada salın: “Qəbələ”yə 0:8 hesablı teatrlaşdırılmış məğlubiyyət, azarkeşin meydana buraxılıb futbolçulara hücum etməsi və həmin münaqşəyə qoşulan Katalin Tiranın qovulması, Elnur Məmmədovun Fətullah Gülən tərəfdarı olması ilə bağlı mətbuata ötürülən informasiyalar… Sabiq icraçı direktor bir az dirənsəydi, evindən tank çıxacaqdı.
Böyük piroqa sahiblənmək üçün qurbanlar vermək bu insanlar üçün adi haldı və sabah su boğaza qalxanda Elxan Məmmədov Çingiz Abdullayevi də, Orxan Hüseynzadəni də, Elxan Abdullayevi də qurban verə bilər. Eləcə də Elşad Nəsirov onun özünü. Yetər ki, dövlət rəhbərliyi ayılsın və Azərbaycanın simvolu olan bu klubun niyə bu günə salındığının hesabını istəsin.
VÜSAL MAHMUDOV
- Milli komanda2024-05-03 08:00
Vay(ss) bizim halımıza?
- Müsahibə2024-05-02 15:51
Dodo “Qəbələ”yə kömək etmək istəyir: I Liqada da oynamağa hazırdır
- Ölkə futbolu2024-05-03 15:05
“Neftçi”nin transfer etmək istədiyi futbolçu Danimarkada həbsdə olub – cinsi təcavüzə görə
- Digər idman növləri2024-05-03 13:25
Tanınmış idmançılarla – öncə master-klas, sonra birgə məşq