Ölkə futbolu
Yordanesku “Zirə” ilə oyunöncəsi narahatdı
“Avrokuboklarda qrup mərhələsinə qədər təqvim çox …
“Avrokuboklarda qrup mərhələsinə qədər təqvim çox sıx olur. Bu səbəbdən kollektivi tez bir zamanda komplektləşdirmək lazımdı” – bunu “Astra”nın baş məşqçisi Edvard Yordanesku deyib.
Avropa Liqasında mübarizəyə II təsnifat mərhələsindən qoşulacaq Rumıniya təmsilçisinin rəqibi “Zirə” olacaq. Komandalar arasında ilk matçın gələn həftə keçiriləcəyini xatırladan Yordanesku bunun onlar üçün yaxşı olmadığını bildirib.
39 yaşlı mütəxəssisi heyətdə aparılan islahatlar narahat edir: “Komandada müxtəlif dəyişikliklər oldu. Keyfiyyətli futbolçular transfer etsək də, onların hərəsi bir yerdən gəlib və birlikdə oynamayıblar. “Zirə” ilə ilk görüşün keçirilməsinə isə elə də çox vaxt yoxdu. Bu amil məni narahat etməyə bilməz. Buna baxmayaraq, həmişə pozitiv olmağa çalışmışam. Hədəfimiz pley-off mərhələsinə qədər irəliləməkdi. Fikrimcə, Avropa Liqası utopiya deyil. Ambisiyalarım yüksək olsa da, qısa müddətdə hər şeyi ideal səviyyədə etmək çətindi. Ölkə çempionatının startına qədər tam hazır olacağımızı düşünürəm. Məqsədimiz çempionatda ilk “altılığ”a düşmək olacaq. Biz daha yaxşı futbol oynayacaq gücdəyik”.
Qeyd edək ki, “Astra” Rumıniya Liqa 1-də ötən mövsümü 6-cı pillədə başa vurub.
- Ölkə futbolu2024-04-12 08:00
Mikayıl Cabbarovun kadrları azərbaycanlılara qarşı
- Ölkə futbolu2024-04-11 14:10
AFFA-da növbəti təyinatlar olacaq: yeni baş katib və PFL prezidenti
- Ölkə futbolu2024-04-11 13:34
Lunyov “Qarabağ”ın uğurunun sirrini açdı: məşqçilər, həkimlər və…
- Digər idman növləri2024-04-12 00:29
“Anadolu Efes” növbəti mərhələdə