Layihə
Filmin sonu: “Neftçi”dən sonra növbə digərlərinə çatacaq
(əvvəli bu linkdə)
“Neftçi” rəhbə…
“Neftçi” rəhbərliyinin vəzifə bölgüsünü daxildə etməsi təsisçilərə xoş gəlmirdi. Əvəzində maliyyə “kran”ı bağlandı. Daha doğrusu, büdcə azaldılmadı, sadəcə, yeni transferlər üçün maliyyə ayrılmadı, hər ay üçün nəzərdə tutulan pulu köçürməklə kifayətləndilər. O məbləğ isə yalnız əməkhaqqı fonduna kifayət edirdi. Əvvəlki dövrlərdə milyonları havaya sovurub 8 komanda arasında 7-ci olanlara etimad limiti tükəndi. Yeni transferlər olmayacaqdı və kredit pulu ilə transfer edilən legionerlər yeni mövsümdə komandaya uğur qazandırmalıdı.
Vəziyyət o qədər kritikdi ki, Elxan Abdullayev yeni gətirmək istədiyi fiziki hazırlıq üzrə ukraynalı məşqçinin yanında da yalançı çıxdı. Bu üzdən o, bir neçə ay öncə qovduğu İqor Getmanı məşqçilər korpusuna qaytardı.
Və “Neftçi” nokautda ikən təsisçilər növbəti zərbəni vurdular. Sənəd-kağızla sahib olduqları klubu Elxan Məmmədovun dəstəsinin əlindən almaq yolunda son həmlə məlum struktur dəyişikliyi oldu.
Bir neçə aydan sonra Müşahidə Şurasının buraxılması haqda qərarı eşitsəz, təəccüblənməyin. Sadəcə, bu quruma çox hörmətli Çingiz Abdullayev sədrlik etdiyindən hələlik səbr edirlər. Xalq yazıçısı yəqin ki, özünə hörmət qoyub, özü bu bataqlıqdan çıxıb gedəcək, imicinin tam xərclənməsinə imkan verməyəcək. Ondan sonra isə təsisçilər yenidən “Neftçi”ni özlərinə qaytamaq, Elxan Məmmədovun havadarlarının əlindən xilas etmək üçün final addımını atacaqlar.
“Neftçi”də çox maraqlar toqquşur. Elxan Məmmədovun havadarları bir dəstədi, klubun təsisçiləri illərdi kluba birbaşa və ya dolayısı ilə nəzarət edirlər, Zaur Qəhrəmanov Müşahidə Şurasında təmsil olunmaqla yanaşı, gələcək karyerasını qurmaq baxımından futbola vasitə kimi baxır və s. və i. Ona görə də “Neftçi” dövlət pulunun xərcləndiyi, yeyildiyi müəssisədi. Kimisi özü qazanmaqla yanaşı, iş də görür, kimisi isə işləməyi də bacarmır, amma yeməkdən, talamaqdan doymur. Və hazırda kluba bu baxımdan ən arzuolunmaz şəxslər rəhbərlik edir. Nətcələr klub tarixinin ən biabırçı nəticələridi, lakin onları asanlıqla kənara atmaq mümkün deyil. Bununla belə, proses başlayıb və kiçik döyüşlərdəki qələbələr müharibənin də qələbəylə bitməsini labüd edir. Çünki işğalçı olan, hazırda isə ələ keçirdiklərinin müdafiəsi ilə məşğul olanlar yaxşı cəbhəxanaya malik olsalar da, döyüşçüləri bacarıqsız, ideologiyaları çürükdü.
“Neftçi”də Müşahidə Şurasının yarandığı dövrü xatırlayın. Klubun səhmləri olmalı, “Neftçi” açıq səhmdar cəmiyyətə çevrilməli, hətta fanatlar da səhm almalı idilər. Amma indi görünür ki, bütün bunlar klubu ələ keçirməyə qazandırılan bəraət imiş. Paytaxt təmsilçisində heç nə dəyişməyib və dəyişə də bilməz. “Xalqın komandası” həm də dövlətin əlinə baxan acgöz makinadı.
Təbii ki, “Neftçi”də başlayan islahatlar yavaş-yavaş digər klubları da ağuşuna alacaq, Müşahidə Şurası ideyasının gərəksizliyi, layihənin tətbiqininin mümkünsüzlüyü isbat olunacaq. Flaqman ilk mərhələdi, zaman keçdikcə “Sumqayıt”da da eyni proseslər gedəcək. Bu klubun maliyyə dayaqları əvvəl-axır Elxan Məmmədovun dostu Kamran Quliyevin boğazından yapışıb hesabat istəyəcək. 10 ildi kluba rəhbərlik edən bu adam Sumqayıt üçün nə iş görüb? Yerli futbolçu nəsli məhv edilib, komanda milliləşdirilənlər üçün məskən olub, milli komandalar üçün heç kim yetişdirilməyib. Sadəcə, görülməyən işin qarşılığında hər ay 10 min manatlıq konvert alan, transferlərdə dost-tanışla maxinasiyalar edən Quliyev milyonçu olub.
Eyni şey “Kəpəz”də də yaşanacaq. Gəncəlilər şəhərin komandasına rəhbərlik etməyə layiq bir nəfər tapacaq. Ondan sonra sıravi şura üzvü ola-ola futbol ənənələrinə malik Gəncəni bir barmağında fırladan Mikayıl Nərimanoğludan da hesabat istənəcək. 5000 manatlıq konverti yalnız SOCAR-dan ayrılan pulu vaxtında komandaya çatdırmağa görə alan Mikayıl bəy yəqin ki, yenə AFFA-nın mətbuat katibi kimi çalışmağa qayıdacaq. Bu gün baş katibin kadrı kimi etibarlıdı, lakin Elxan Məmmədovun mifik ideyası iflasa uğrayandan sonra Elmar Vəliyev onun da ayağını Gəncədən birdəfəlik kəsəcək.
Necə ki, “İnter”də Müşahidə Şurası oyunu SOCAR-dan başqa xəttlə gələn Zaur Axundovun gəlişi ilə başa çatıb.
(davamı olacaq)
CAVAD