Ölkə futbolu
Lukaku rəsmən MY-də – FOTO
İngiltərənin "Mançester Yunayted" klubu "Ever…
İngiltərənin "Mançester Yunayted" klubu "Everton"dan aldığı Belçika yığmasının hücumçusu Romeli Lukakunun transferini rəsmən açıqlayıb.
Futbolinfo.az xəbər verir ki, bu barədə "qırmızı şeytanlar"ın rəsmi saytı məlumat yayıb. Tərəflər 5+1 şərti ilə müqavilə imzalayıblar.
İngiltərə mətbuatının yazdığına görə, MY vaxtilə Joze Mourinyonun rəhbərliyi altında "Çelsi"də oynamış futbolçuya görə, "Everton"a 75 milyon funt-sterlinq təzminat ödəyib.
Lukakunun yeni klubunda 10 nömrəli forma ilə çıxış edəcəyi bildirilir. Hansı ki, bu rəqəmi ötən mövsüm bu komandada oynayan Zlatan İbrahimoviç seçmişdi.
Qeyd edək ki, 24 yaşlı forvard Belçika millisində 59 qarşılaşmada 23 qola imza atıb. O, geridə qalan mövsümdə Premyer Liqada 37 oyun keçirib, 25 qol vurub.