Müsahibə
Cavid Hüseynov: "Hakim bizi çox sıxdı"
"Qəbələ" Avropa Liqasının 2-ci təsnifat mərhələsi &…
"Qəbələ" Avropa Liqasının 2-ci təsnifat mərhələsi çərçivəsində Polşanın "Yaqelloniya" klubuna qarşı keçirdiyi ilk oyundan 1:1 hesablı heç-heçə ilə ayrıldı. Futbolinfo.az xəbər verir ki, matçdan sonra "qırmızı-qaralar"ın kapitanı Cavid Hüseynov jurnalistlərin suallarını cavablandırıb:
– İlk oyunumuz idi. Komandaya yeni gələn futbolçular var. Adaptasiya problemi var. Xəttlər arasında əlaqə zəif idi. İkinci hissədə çoxlu top itkisinə yol verdik. Belə komandalarla oyunda top itirmək olmaz. Əks-hücumda yaxşı oynayırlar. Onların da qol vəziyyətləri çox oldu. Çünki bizim başımız ikinci qolu vurmağa qarışmışdı. Belə olan halda da boşluqlar buraxırdıq. "Yaqelloniya" güclü komandadı. İstəmirdik belə olsun. Qələbə qazanmaq istəyirdik, amma alınmadı. Cavab oyununda qələbə qazanmağa çalışacağıq.
– Rəqibin futbolçuları ucaboylu idi. Buna görə də hava toplarından çox istifadə edirdilər. 18 nömrəli futbolçu da yaxşı top saxlayırdı. Belə komandalarla oyunlarda qələbə qazanmaq üçün necə oynamaq lazımdı?
– Biz ən doğru variantı seçmişdik. Müdafiəmiz dediyiniz futbolçuya qarşı heç də zəif oynamadı. Hücumda istədiyimiz kimi oynaya bilmədik. Tez-tez top itirirdik. Biz top itirəndə də rəqib əks-hücuma keçirdi.
– "Yaqelloniya"dan belə oyun gözləyirdiz?
– Rəqibdən belə oyun gözləyirdik. Amma özümüzdən ilk hissədə belə zəif oyun gözləmirdik. Qol buraxandan sonra məyus olduq. Toparlana bilmədik. Amma ikinci hissəyə yaxşı başladıq. Top itkilərinə az yol versəydiq, hər şey başqa cür olardı.
– Mərhələ adlamaq şansınızı necə dəyərləndirirsən?
– Şanslar 50/50-yədi. Ruhdan düşmək olmaz. Düşünürəm ki, yaxşı olacaq.
– Uzun fasilədən sonra avrokubok matçında oynadın. Hansı hisslər yaşadın?
– Əvvəlki həyəcanı yaşayırdım. Sevinirəm ki, yenə bu həyəcan qayıtdı.
– Hakimin idarəçiliyi ilə bağlı nə deyə bilərsən?
– Özünüz gördüz. İlk yarıda hər şey yaxşı idi. Amma ikinci hissədə hakim bizi çox sıxdı. Sanki biz qonaq komandayıq, "Yaqelloniya" meydan sahibi. Narazılıq edəndə sarı vərəqə verirdi. Belə vəziyyətlərdə hakimə təzyiq etməliyəm. Bu normaldı. Yersiz foulllar verir, penaltimizi vermir. Epizodun təkrarına baxacağıq. Amma mənə elə gəlirdi ki, orada penalti var idi. Hara gedirik bizi sıxırlar. Öz evimizdə oynayanda da yenə bizə qarşı bu cür münasibət olur.
– Öz oyunun haqda hansı fikirdəsən? Əvvəlki Cavid Heseynov geri qayıdıb?
– Öz oyunuma yaxşı deməzdim. Oyunum normal alındı. İkinci hissədə biz üstünlük əldə etmişdik. Rəqibin baş məşqçisi bunu hiss etdi və taktiki dəyişiklik etdi. Oyunçu dəyişiklikləri də öz sözünü dedi.
ELMAR ABDULLA-ZADƏ
- Ölkə futbolu2024-04-17 17:17
Kadiri yeni məşqçiyə uyğunlaşır: “Zamana ehtiyacımız var”
- Müsahibə2024-04-18 08:00
Rezabala avrokuboka vəsiqə istəyir: “Səhv etməyə ixtiyarımız yoxdur”
- Müsahibə2024-04-17 16:07
Sekidika çempionatın səviyyəsindən razıdır: “İstənilən komandanı məğlub etmək olar”
- I Liqa2024-04-17 17:34
Apellyasiya Arbitraj Tribunalı AFFA İntizam Komitəsinin qərarını dəyişdi