Ölkə futbolu
"İdman Azərbaycan" da bəyanat yaydı
"İdman Azərbaycan" kanalı UEFA Çempionlar Liqasın…
"İdman Azərbaycan" kanalı UEFA Çempionlar Liqasının 3-cü təsnifat mərhələsi çərçivəsində keçiriləcək Moldova “Şerif”i ilə Azərbaycan çempionu “Qarabağ” arasındakı cavab matçının yayımlanmayacağını təsdiqləyib. Futbolinfo.az xəbər verir ki, telekanalın yaydığı açıqlamada bunlar qeyd olunub:
"İdman Azərbaycan" kanalı UEFA Çempionlar Liqasının pley-off mərhələsindən etibarən oyunların yayım hüququna sahibdi. 1, 2 və 3-cü təsnifat mərhələsindəki oyunlar isə klubların öz ixtiyarındadı. Həmin mərhələ zamanı "İdman Azərbaycan" kanalı klublara yardım etmiş və səfər oyunlarının da Azərbaycanda yayımlanması üçün rəqiblərlə razılığa gələrək qarşılaşmaları barter etmişdi. Ötən həftə keçirilən "Qarabağ" – "Şerif" oyunu zamanı da "İdman Azərbaycan" kanalı matçı çəkərək Moldova tərəfə ötürməyə hazır idi. Lakin "Şerif" klubu bununla razılaşmayaraq Bakıdakı oyunun Moldovada translyasiyasına razı olmadı və Tiraspoldakı oyunun da yayımına razılıq vermədi. Bu səbəbdən də "Şerif" – "Qarabağ" oyununun yayımlanmamasının səbəbkarı Moldovanın "Şerif" klubudu".
Qeyd edək ki, "Şerif" oyunun Azərbaycanda yayımı üçün 100 min dollar tələb edib. "Qarabağ" klubundan bu məlumatı təsdiqləyiblər.