Dünya futbolu
Messinin jestini təkrarlayan Ronaldonu ağır cəza gözləyir – VİDEO
Madrid “Real”ının futbolçusu Kriştiano Ronaldo &…
Madrid “Real”ının futbolçusu Kriştiano Ronaldo ötən gecə keçirilən İspaniya Super Kubokunun ilk qarşılaşmasında “Barselona”nın qapısına qol vurduqdan sonra Lionel Messinin jestini təkrarlayıb.
Futbolinfo.az xəbər verir ki, portuqaliyalı futbolçu “Nou Kamp”da keçirilən matçın 80-ci dəqiqəsində komandasının 2-ci qolunu vurub. O, qol vurduqdan sonra formasını çıxararaq, onu tribunalara nümayiş etdirib. Bu hərəkətinə görə sarı vərəqə alan Ronaldo az sonra simulyasiyaya görə ikinci dəfə cəzalanaraq, meydandan qovulub.
Xatırladaq ki, ötən mövsüm İspaniya çempionatının 33-cü turunda “Santyaqo Bernabeu”da keçirilən oyunda “Barselona”nın qələbə qolunu vuran Lionel Messi də bu jesti etmişdi. Həmin oyunda “Barsa” 3:2 hesabı ilə qalib gəlmişdi. Superkubokun ilk qarşılaşmasında isə “Real” qalib gəlib – 3:1. Cavab görüşü avqustun 16-da keçiriləcək.
Yeri gəlmişkən, Ronaldo bu oyunda etdiyi başqa bir hərəkətinə görə ağır cəzalana bilər. O, qırmızı vərəqə aldığı epizoddan sonra qarşılaşmanın baş hakimi Rikardo De Burqos Benqoeçeanı itələyib. Hakim isə bunu protokolda qeyd edib.
İspaniya Futbol Federasiyasının qaydalarına görə, belə hallarda 4 oyundan 12 oyuna qədər cəza tətbiq olunur. Praktika isə göstərir ki, federasiya belə hallarda adətən, 4 oyunluq cəza verməklə yanaşı, cərimə də kəsir.
- Ölkə futbolu2024-05-10 08:00
“Yurqorden” Musa Qurbanlıya qiymət qoydu – 10 milyon kron
- Ölkə futbolu2024-05-10 09:21
“Əks təqdirdə fanatlar Şeydayevi qəbul etməyəcək”
- Dünya futbolu2024-05-10 16:37
AÇ-2024-ün rəsmi mahnısı təqdim edildi – VİDEO
- Ölkə futbolu2024-05-10 16:20
Kadinin meneceri: “Hələlik “Qarabağ”la danışmamışıq”