Ölkə futbolu
“Zirə” – “Kəpəz” oyunu Tovuzda olacaq!
“Zirə” “Kəpəz”in təklifinə müsbət c…
“Zirə” “Kəpəz”in təklifinə müsbət cavab verməyib. Bu isə gəncəlilərin özünə yeni stadion tapmasına səbəb olub.
Futbolinfo.az xəbər verir ki, “Kəpəz” 2-ci turda “Zirə”yə qarşı ilk ev oyunu Tovuzda keçirəcək. Artıq bu barədə qərar verilib və sabah məsələ rəsmiləşəcək. Peşəkar Futbol Liqasının nümayəndələri Tovuz stadionunu təftiş etmək üçün bu gün səfərə çıxıb və qərarı sabah açıqlayacaqlar. Fövqəladə bir şey baş verməsə, sözügedən matç qərb bölgəsində baş tutacaq.
Gəncə şəhər stadionunda təmir işləri, qazonun yenilənməsi başa çatmadığından “Kəpəz” ilk dövrədəki ev oyunlarını başqa məkanlarda keçirməyə məhkumdu. Klub rəhbərliyi problemdən çıxış yolunu rəqiblərlə danışaraq, oyunların yerini dəyişməyi məsləhət bilmişdi. Belə ki, komanda ilk dövrədə bütün matçları səfərdə, ikinci dövrədəki görüşləri isə evdə oynamaq niyyətində idi. Amma bütün rəqiblərlə anlaşmaq mümkün olmadığından elə indidən planlar suya düşüb.
İlk olaraq “Zirə” “Kəpəz”in xahişini yerə salıb. İmtina edəcəkləri halda gəncəlilərin Mərdəkandakı “Dalğa Arena”nı ev matçını keçirmək üçün seçəcəklərini düşünən “qartallar” fürsəti qaçırmaq istəməyib. Belədə “Kəpəz” də acığa düşərək oyunu Tovuzda keçirməyə qərar verib. PFL-in təftişindən sonra müsbət qərar veriləcəyi halda (belə olacağı dəqiqdi), “Zirə” avqustun 20-dəki oyun üçün qərb bölgəsinə yollanmağa məcbur olacaq.
- Ölkə futbolu2024-05-10 08:00
“Yurqorden” Musa Qurbanlıya qiymət qoydu – 10 milyon kron
- Ölkə futbolu2024-05-10 09:21
“Əks təqdirdə fanatlar Şeydayevi qəbul etməyəcək”
- Dünya futbolu2024-05-10 16:37
AÇ-2024-ün rəsmi mahnısı təqdim edildi – VİDEO
- Ölkə futbolu2024-05-09 13:53
“Azərbaycanda həm yaxşı pul qazandım, həm də hörmət”