Ölkə futbolu
Milliləşdirmə biznesində növbəti dalğa: oynamadan dəvət alan iranlı
21 yaşadək futbolçulardan ibarət Azərbaycan millisinin hey?…
21 yaşadək futbolçulardan ibarət Azərbaycan millisinin heyəti açıqlanıb. Avropa çempionatının seçmə mərhələsində avqustun 31-də ilk oyununu İsrailə qarşı keçirəcək komandamız sabahdan etibarən təlim-məşq toplanışına yollanacaq.
Baş məşqçi Yaşar Vahabzadənin seçdiyi 22 futbolçudan biri xüsusi diqqət çəkir. Əmirhüseyn Nəcəfinin nəyə, hansı xidmətlərinə görə yığmaya çağırılmasının səbəbini bilmək istərdik. Əslən iranlı olan qolkiper bu yaxınlarda "Səbail"ə keçib və hələ də forma geyməyib.
Nəcəfi “Səbail”in əsas komandasında deyil, adı iştirak ərizəsinə salınmayıb. Maraqlıdı ki, o, heç əvəzedici heyətin siyahısında da yoxdu və ilk 2 turda forma şansı qazanmayıb. Oyun praktikası olmayan, ümumiyyətlə, futbol təsərrüfatımıza göydən zənbillə düşən birisinin milli komandaya çağırılması maraq doğurur. Vahabzadə onu harada görüb-bəyənib ki, birdən-birə ölkənin millisinin formasını ona vermək ehtiyacı hiss edib?
Müəyyən araşdırma apardıq və bəlli oldu ki, bu, AFFA-da milliləşdirmə biznesi ilə məşğul olan məlum dəstənin sifarişidi. Baş katib Elxan Məmmədovun xeyir-duasıyla çalışan bu qrup onu “Səbail”də qeydiyyata aldırıb, indi də milliyə çağırmağı məsləhət biliblər. Hansısa azərbaycanlı balasının yerini haqq etmədən tutan Əmirhüseyn bu dəvətə görə İranda hərbi xidmətdən azad olaraq qazanclı çıxacaq. Təbii ki, o, bu şərəfə nail olmasına görə də xərcə düşəcək.
Xatırlayırsızsa, son illər divizion komandalarında, eləcə də elita təmsilçisi “Sumqayıt”da saysız-hesabsız iranlı futbolçunun adı iştirak ərizəsinə salınmışdı. Həmin futbolçular bunun sayəsində ölkələrində hərbi xidmətdən azad olurdular və qarşılığında bizimkilərə 5-10 min manat aralığında rüşvət/haqq ödəyirdilər. Bundan başqa, həmin oyunçulara görə klubun büdcəsindən ayrılan maaşlar da kimlərinsə cibinə gedirdi. Güman ki, Nəcəfidə də vəziyyət belədi. Nə əsas, nə də əvəzedici komandada olmayan oyunçu “Səbail” təmsilçisi kimi milliyə çağırılırsa, deməli, burada nəsə hikmət var.
Bu suala…
…məşqçilərin ehtiyac duymadığı oyunçunu heyətə qatan “Səbail” rəhbərliyindən…
…heç bir xidməti olmayan birinə mili pasport alması üçün təqdimat yazan AGİN-in futbol şöbəsinin rəhbəri Fikrət Hüseynovdan…
…U-21 yızmamızın sifariş yerinə yetirən baş məşqçisi Yaşar Vahabzadədən…
…qanunsuzluğa göz yuman AFFA rəsmilərindən…
…cavab gözləyirik.
Bu fakt həm də onun isbatıdı ki, ölkədə uşaq-gənclər futbolunun inkişafı heç kimi düşündürmür. Bu sahəyə cavabdeh departamentin rəhbəri Yusif Vəliyev iş görmədən 10 min manat maaş/paket alır, milliyə oyunçular isə xaricdən gətirilir. Elə ona görə də əsas millimizin qolkiperi Kamran Ağayev 6 aydı futbol oynamasa da, rəqabətsizlikdən hər dəfə yığmaya dəvət alır və “çərçivə”ni qoruyur.
FƏRİD
- Ölkə futbolu2024-04-11 10:32
AFFA-nın gülməli seçimi: Uğursuz klub rəhbəri Hakimlər Komitəsinə sədr olacaq?
- Ölkə futbolu2024-04-11 14:10
AFFA-da növbəti təyinatlar olacaq: yeni baş katib və PFL prezidenti
- Ölkə futbolu2024-04-12 08:00
Mikayıl Cabbarovun kadrları azərbaycanlılara qarşı
- Ölkə futbolu2024-04-11 13:34
Lunyov “Qarabağ”ın uğurunun sirrini açdı: məşqçilər, həkimlər və…