Dünya futbolu
Millimizlə oyun öncəsi Almaniya yığmasında daha bir itki
Futbol üzrə Almaniya yığması daha bir itki ilə üzləşi…
Futbol üzrə Almaniya yığması daha bir itki ilə üzləşib.
Futbolinfo.az xəbər verir ki, Bundestimin müdafiəçisi Benedikt Hövedes sıradan çıxıb. Yay fasiləsində “Yuventus”un “Şalke”dən icarəyə götürdüyü 29 yaşlı oyunçu məşq zamanı zədələnib. Təcrübəli futbolçunun baldırındakı əzələdə problem yaranıb. Klubun rəsmi saytının yaydığı məlumata görə, Hövedesin 1 ay yaşıl meydanlardan kənarda qalmaq ehtimalı var. Yeni sağalmasına baxmayaraq, eyni yerdən zədələnən Hövedes hələ də “Yuve”nin heyətində debüt edə bilməyib.
Onun sıradan çıxması o deməkdi ki, futbolçu DÇ-2018-in seçmə mərhələsi çərçivəsində oktyabrın 5-də Şimali İrlandiya və 8-də Azərbaycana qarşı keçiriləcək qarşılaşmaları buraxacaq.
Qeyd edək ki, Almaniya millisinin qapıçısı Manuel Noyer də zədəli olduğu üçün yığmamızla qarşılaşmada çərçivəni qoruya bilməyəcək.