Ölkə futbolu
İspanlar “Qarabağ”ı ötdü
Avrokubokların qrup mərhələsinin II turundan sonra klubların UEFA…
Avrokubokların qrup mərhələsinin II turundan sonra klubların UEFA reytinqi açıqlanıb. Çempionlar Liqasının 16, Avropa Liqasının 24 görüşü siyahıda bir sıra dəyişikliklərə səbəb olub.
Düzdü, hazırda UEFA reytinqi iki paralel üsulla hesablanır. Bu da onunla bağlıdı ki, qurumun verdiyi qərara əsasən, 2018-ci ilin yayından yeni üsul qüvvəyə minəcək. Cari mövsümün nəticələri bəzi mənbələrdə köhnə metodla aparılsa da, qarşıdakı yayda həmin rəqəmlər dəyişdiriləcək. Digər mənbələr isə onsuz da yeni üsula keçəcək rəqəmləri indidən həmin metodla hesablayır.
Sonuncuların cədvəlləri daha məntiqəuyğun olduğundan ilk “100-lük”dəki yeganə Azərbaycan klubu “Qarabağ”ın mövqeyi də dəyişib. Ölkəmizin ən yaxşı təmsilçisi bu cədvəldə 70-ci sıraya şərikdi. Ağdam klubu Belarus BATE-si ilə eyni – 18,500 xala malikdi. Qurban Qurbanovun yetirmələri son bir həftədə iki pillə geriləyib. Buna İspaniya klubları – “Real Sosyedad”la “Betis”in irəliləməsi səbəb olub. Xal aktivləri 18,571-ə qalxan bu cütlük 68-69-cu yeri bölüşür. Onların irəliləməsi isə öz sayələrində deyil, ölkə klublarının qazandığı xallarla gerçəkləşib.
Rəsmi xarakter daşıyan köhnə metodlu cədvəldə də “100-lük”də yalnız bir təmsilçimiz var. “Qarabağ” bu siyahıda da geriləyib. Buradakı hesabı 22,225-ə bərabər olan Ağdam klubu 83-cü pillədə yer alıb. Təmsilçimiz İsveçrə “Yanq Boyz”unu özündən irəli buraxıb (apasport).