Dünya futbolu
Futbolçu oğurluq zamanı güllələndi
Gənclərdən ibarət Fil Dişi Sahili yığmasının sabiq futbol&cce…
Gənclərdən ibarət Fil Dişi Sahili yığmasının sabiq futbolçusu Jorj Qriffits Abidjan şəhəri yaxınlığında oğurluq hadisəsinin qarşısını almaq istəyərkən güllələnib.
Futbolinfo.az xəbər verir ki, bu barədə sözügedən ölkə mətbuatı məlumat yayıb. Məlumatda bildirilir ki, oktyabrın 5-də cinayətkarlar onun Mercedes markalı avtomobilini oğurlamağa cəhd göstəriblər. Onlardan biri oğurluğun qarşısını almağa çalışan Qriffitsə iki dəfə atəş açıb. Oğrular dərhal hadisə yerindən qaçıblar. Həkimlər dərhal xəstəxanaya çatdırılan futbolçunun həyatını bütün cəhdlərə baxmayaraq, xilas edə bilməyiblər.
27 yaşlı hücumçu son olaraq Macarıstanın “Dioşdyor” klubunun şərəfini qoruyub. Lakin iyun ayından bəri işsiz qalan futbolçu özünə başqa klub tapa bilmirdi.