Ölkə futbolu
Diniyev Gəncədən, Abbasov yığmadan danışdı
Mövsümdə ikinci dəfə “Kəpəz”i darmadağın …
Mövsümdə ikinci dəfə “Kəpəz”i darmadağın edən “Zirə” yenə 3:0 hesabına sevindi. Gəncəlilərin baş məşqçisi Şahin Diniyev yenə çətinliklərdən danışdı, heyət yetərsizliyindən şikayətləndisə, “Zirə”nin sükançısı Ayxan Abbasov yığmadakı oyunçularından bəhs etdi.
Bu oyun “Kəpəz”in ötən tur Qəbələdə qazandığı qələbənin də təsadüfi olduğunu göstərdi: "Bu gün çox pis futbol oynadıq. Sanki Qəbələdəki komanda deyildik. Bu, çox acınacaqlı məğlubiyyətdir. Məqsədimiz kompakt şəkildə bağlanmaq və rəqibi əks-hücumlarda yaxalamaq idi. İlk hissədə təxmini bu istəyimizi reallaşdıra bilirdik. Sonradan bu bizdə alınmadı və rəqib vurduğu qollarla qələbə qazandı. Stabil heyətimiz olmadığına görə, stabil oyun da nümayiş etdirə bilmirik. Çalışacağıq ki, qarşıdakı oyunlara baxaq. Məqsədimiz maksimum xal toplayıb, bu vəziyyətdən çıxmaqdı. Gəncədəki oyunlarda nəticə qazanmaq mütləqdi. Çünki azarkeşlərimizi sevindirməyə borcluyuq. Təəssüf ki, onların yanına 4 xalla qayıdırıq. Artıq gələn oyunlarda yeniliklərə əl atacam. Bizim elə bir gücümüz yoxdu ki, köklü dəyişiklər edək. Sadəcə, müəyyən futbolçuların yerləri dəyişəcək və taktiki düzülüşlər fərqli olacaq".
“Zirə” isə Yevlaxdakı kimi yenə parlaq qələbə qazanıb, əla formada olduğunu isbatladı: "İkinci dövrənin ilk matçı idi. Məqsədimiz o idi ki, yaxşı başlanğıc edək. Şükürlər olsun ki, futbolçularımız tapşırıqları layiqincə yerinə yetirdi. Bilirdik ki, "Kəpəz" sıx oynamağa çalışacaq və müdafiəni yarmaq bizim üçün asan olmayacaq. Bizim futbolçularımızda da tələskənlik var idi. Əsas odur ki, qələbə qazandıq. Futbolçulardan çox razı qaldım. Hamı Təmkin Xəlilzadəni tərifləsə də, mən onun mənfi cəhətlərini deyəcəm. Çünki bu mənim vəzifə borcumdu. O, daim yığmanın əsas heyətinə düşmək istəyirsə, öz üzərində çox işləməlidi. Hazırda milli komandamızda gələcək vəd edən oyunçular var. Təkcə onu qeyd edə bilərəm ki, ötən il Adil Nağıyev, Sadiq Quliyev U-21 millimizin heyətinə cəlb olundu”.
- Premyer-liqa2024-05-17 22:21
“Qarabağ” “Turan Tovuz”a qalib gəldi
- Ölkə futbolu2024-05-17 11:12
Vaqner Silva: “Avropada “Qarabağ”dan qorxurlar”
- Ölkə futbolu2024-05-17 13:38
“Avropanı şoka salmalarına dəqiqələr çatmadı”
- Premyer-liqa2024-05-17 23:50
“Əcnəbi hakimlərinin dəvət olunmasını xoş qarşılamadım” – Qurban Qurbanov