Ölkə futbolu
“Yaz-sil” əməliyyatı
Futbol üzrə qadınlardan ibarət yığma komandaya çağr?…
Futbol üzrə qadınlardan ibarət yığma komandaya çağrılmış ispan qız haqqında qeydimizə fərqli yanaşmalar oldu. Oxucular deyir ki, bizim üçün əsas kişi futboludu, qadın futbolunun dərdini çəkməsək də olar. Bu mənada onlarla razılaşmaq olar. Ancaq bizim demək istədiyimiz başqa şeydi axı.
Əsas yığma ilə bərabər, iki yaş qrupu üzrə qızlardan ibarət seçmələr və futzal üzrə milli komandada oynayan xaricilərin ümumi sayı bilirsiniz nə qədərdi? 18 nəfər!
Məsələn, mənim üçün maraqlıdı. Qadın futbolçuların beynəlxalq yarışlarında hansısa uğurlu nəticəmiz olduğunu eşidən olubmu? Lap tutaq, dünya çempionu olduq. Nə olsun? Qadın futbolu bu idman növünə marağı olan qızlar üçün idman məşğuliyyətidi. Azərbaycan yığmaları isə azərbaycanlı qızların çıxış etməli olduğu komandalardı. O komandalarda ispan, gürcü və türkiyəli qızlar nə üçün oynayır? Öz qızlarımız oynasın. Nəticə pis olsa, nə olacaq? Xaricilərlə də biabırçı hesablar qeydə alınmırmı?
Xaricilərin oynamasa, nə olacağını deyim. AFFA-nın büdcəsində bu sahəyə ayrılan pulları yazıb-silə bilməyəcəklər. Bunun üçün hansısa Natalya Rodelqo, Kristina Bakarandze lazımdı ki, bir daş üstdə, bir daş altda, adlarına maaşlar yazılsın, mükafatlar, reablitasiya xərcləri yazılsın, arxa tərəfdən o pullar çevrilsin ciblərə.
Buyurun, xanımlardan ibarət yığmalarda oynayan xaricilərlə tanış olaq:
Qadınlar, əsas yığma
1. NATALYA RODELQO (Atletiko, İspaniya, 26.05.1997)
2. KRİSTİNA BAKARANDZE (Okjetpes, Qazaxıstan, 19.05.1998)
3. MERVE ÖZDƏMİR (Ayntraxt, Frankfurt, Almaniya, 14.08.1999)
4. PERİTAN BOZDAĞ (Konak Bələdiyyəspor, İzmir, Türkiyə, 15.06.1999)
5. Taş Öznur (Antalyaspor, Türkiyə, 06.09.2000)
U-19 (Qızlar)
1. ÜLKÜ ÖZDƏMİR (Montabaur, Frankfurt, Almaniya, 15.02.2000)
2. ÖZKUMRU MUAZEZ YAĞMUR (Konak Bələdiyyəspor, İzmir, Türkiyə, 28.01.1999)
3. NİNO QURQENİDZE (Kutaisi, Gürcüstan, 15.10.2000)
4. HATİCE ÖZDƏMİR (Montabaur, Frankfurt, Almaniya, 05.01.1999)
U-17 (Qızlar)
1. GİZEM ARİK (Kanalboyu Nilufərspor, Türkiyə, 12.01.2001)
2. ASLAN BEYZANUR (Antalyaspor, Türkiyə, 28.09.2001)
3. MELİS ERSOY (Karabük Gənclikspor, Türkiyə, 14.03.2002)
Futzal üzrə əsas yığmada 6 braziliyalı oynayır:
1. GABRİEL BASTOS NASCİMENTO
2. OLİVEİRA VİLLİAMS DE NASKİMENTO
3. TELES MARTİNS TYAQO
4. KARDOSO EVERTON
5.CARVALHO VİLELA DOS SANTOS RAFAEL
6. EDUARDO MELLO BORGES
Futzal oyun qaydalarına görə, meydana start heyətində bir komandada 5 futbolçu çıxa bilər. Bizim 6 braziliyalımız var, a kişi!
Səbəb? Bu komanda 10 qat dünya çempionu olsa, nə olacaq? Kimə lazımdı?
Təbii ki, AFFA-da oturan bəylərə. Nə qədər çox xarici, o qədər "yaz-sil" əməliyyatı.
Qısası, oxucu bilsin ki, dərdimiz bu idman növlərinin inkişafı və ya geriliyi ilə bağlı deyil. Dediyimiz odu ki, ikinci dərəcəli sahələrdə idmanla məşğul olunursa, elə öz oğlanlarımız, qızlarımıza sərf edilsin o vəsaitlər. Yəni Azərbaycanda futzalçı, futbol oynamaq istəyən qız tapmaq belə çətindi?
RƏSUL ŞÜKÜRSOY
- Ölkə futbolu2024-05-06 10:08
“Dinamo” Mahiri satmaq istəyir, amma…
- Milli komanda2024-05-06 15:32
Millimizin yoldaşlıq oyununda daha bir rəqibi müəyyənləşdi
- Digər idman növləri2024-05-06 17:45
AVF rəhbərliyi Antalyada milli üzvləri ilə görüşdü
- Milli komanda2024-05-06 13:09
Aqolli: “Azərbaycanın rəqib seçilməsi doğru addımdır”