Ölkə futbolu
İlk əcnəbi transferi: “Neftçi”də növbəti paraqvaylı
Qış fasiləsində 10 futbolçu ilə vidalaşan "Neft&cced…
Qış fasiləsində 10 futbolçu ilə vidalaşan "Neftçi" ilk əcnəbisinə qovuşmaq üzrədi. Bir neçə yerli futbolçunun keçidini həll edən “ağ-qaralar” indi də legioner seçimini dəqiqləşdirir.
Futbolinfo.az xəbər verir ki, paytaxt təmsilçisi Fransisko Qarsiyanın keçidini razılaşdırıb. Paraqvaylı "ağ-qaralar"la müqavilə imzalamaq üçün Bakıya gəlib və bu gün ilk məşqə çıxıb.
Qarsiya "Neftçi"də çıxış edəcək ikinci paraqvaylı olacaq. Belə ki, paytaxt klubunda onun həmyerlisi Derlis Meza Kolli də top qovur. Elə Qarsiyanı «Neftçi» rəhbərliyinə məsləhət görən də odu. Meza Kollinin təklifindən sonra Kamil Məmmədov nə yoğurub, nə yapıb, hazırca kökə tapıb. Az qala bütün dünyaya özünü əvəzolunmaz fırıldaqçı kimi tanıtmış FİFA meneceri cənubi amerikalının keçidində vasitəçiliyi öz üzərinə götürüb. Axı, Meza Kollini də «Neftçi»yə məhz o gətirib (sportinfo.az).
«Qato» ləqəbli 26 yaşlı hücumçunun son iş yeri ölkəsinin "Kerro Porteno" klubududu. Qarsiya buranın öz yetirməsidi (2011). Bir il sonra Paraqvayda digər komandaya – «İndependiente»yə keçən forvard növbəti mövsümə «Sportivo Luqueno»da başlayıb. 2013-cü ilin ikinci yarısında doğma klubuna dönüb, gələn il isə «Deportivo Capiata»ya yollanıb. 2014-2016-cı illər aralığında üçüncü dəfə "Kerro Porteno"ya üz tutub, 2015-ci ildə ilk dəfə legioner həyatı yaşayb. Kolumbiyadan aldığı dəvəti dəyərləndirərək, «Atlético Huila»nın şərəfini qoruyub. 2016-cı ildə vətəninə – bu dəfə «Nasional»a dönən hücumçu ötən yay "Kerro Porteno"nun 4-cü çağırışını qəbul edib.
Cari mövsümün ilk yarısını boşa verən futbolçu, son 6 ayda oyun praktikası qazana bilməyib. Bunun əsas səbəbi baş məşqçi Leonel Alvarezlə münasibətlərinin pisləşməsi ilə izah olunur. «Neftçi» onunla 6 ay + 1 illik prinsipi üzrə anlaşmağa hazırlaşır.
Meza Kolliylə baş verənlər təkrarlanır. Derlis də yarım il futbol oynamadıqdan sonra Bakıya gəlmiş və formaya düşmək üçün bir neçə ayıboşa vermişdi. Hazır futbolçuya ehtiyacı olan bakılılar indi yenə eyni səhvi təkrarlayır.
Maraqlıdı ki, “Neftçi”də əcnəbi transferində yenə baş rolda Kamil Məmmədovdu. Gətirdiyi bahalı əcnəbilərin heç biri ümidi doğrultmasa da, hamısı kluba yük olsa da, bakılılar yenə bu adamla iş birliyindədi.