Ölkə futbolu
"Neftçi”yə uduzmaq Əhməd Ələsgərov üçün faciə idi”
"Komandada məni normal qarşıladılar. Hərçənd, &ccedi…
"Komandada məni normal qarşıladılar. Hərçənd, çox gənc oyunçu idim. Heyət isə həmin vaxt təcrübəli idi. Bütün futbolçular artıq yüksək oynayırdı. Orada Kovaç da vardı, Moskva "Torepdo"sundan Vasilyev də, Moskva "Dinamo"sunun sabiq futbolçuları Kojanov, Karatayev, Cavadov da. Baş məşqçi isə Əhməd Ələsgərov idi".
Futbolinfo.az xəbər verir ki, bu fikirləri Moldova millisinin sabiq futbolçusu Sergey Seku bildirib. 46 yaşlı mütəxəssis Kişinyovun "Nistru" klubunda bu ölkənin əməkdar məşqçisi olan həmyerlimiz, mərhum Əhməd Ələsgərovun rəhbərliyi altında oynayıb, İsgəndər Cavadov isə komanda yoldaşı olub.
Ələsgərovu şıltaq insan sayan Seku onun diktator olması haqda eşitdiyini də söyləyib: "Özü də bir neçə dəfə. Ancaq onunla heç bir problemim olmayıb. Ələsgərov mənə dəymirdi. Üstəlik, Almaniya Federativ Respublikasının yığması ilə oyundan sonra "Nistru"nun bazasına gəldiyim zaman Ələsgərov mənə dedi ki, hazırlaş, bir neçə gün sonra əsas komandayla oyuna çıxacaqsan. Buna çox təəccübləndim. Həmin vaxt isə Voronej "Fakel"ini qəbul edirdik və 1:0 hesabı ilə qalib gəldik. Sonradan isə Kişinyovda Bakının "Neftçi" klubuna 2:4 hesabıyla uduzduq. Ələsgərovun sifətinin rəngi buluddan da qara idi, axı onun üçün "Nefrçi"yə uduzmaq faciəydi".
Xatırladaq ki, Ələsgərov "Neftçi"nin həm SSRİ, həm də müstəqillik dövründə baş məşqçisi olub.