Ölkə futbolu
Səbailin legioneri: "Onlardan həmişə dəstək gözləyirik"
“Səbail”in türkmənistanlı legioneri Elman Taqayev …
“Səbail”in türkmənistanlı legioneri Elman Taqayev klubun “Facebook” səhifəsindəki “On sual” rubrikasının qonağı olub.
Futbolinfo.az xəbər verir ki, 28 yaşlı yarımmüdafiəçi futbola gəlişi, hobbiləri, gələcək hədəfləri barədə sualları cavablandırıb:
– Futbola gəlişiniz necə oldu?
– Mənim futbolçu olmağımda əsas rolu atam oynayıb. Bu, onun gerçəkləşən arzusudu deyə bilərəm.
– Karyeranızda əsas oyun və ya ən yaddaqalan epizod?
– Yaddaqalan epizod çox olub. Birini seçməli olsam, “Səbail” – “Neftçi” qarşılaşmasının 90-cı dəqiqəsində vurduğum qələbə qolunu qeyd edərdim.
– Futbolda kumiriniz?
– Messi.
– Hobbi və maraqlarınız?
– Film izləməyi sevirəm.
– Ən sevdiyiniz film, musiqi, kitab?
– "Mən əfsanəyəm" ən sevdiyim filmdi.
– Həyatınızın əsas qaydası?
– Hər zaman ailəmlə olmaq.
– İnsanlarda ən çox nəyə dəyər verirsiz?
– Ən vacib xüsusiyyət bütün situasiyalarda insani keyfiyyətləri saxlamaq bacarığıdı.
– Karyeranızda əsas məqsədiniz?
– Gələcəkdə həm mənim, həm də uşaqlarımın xatırlaya biləcəyi yaxşı futbolçu olmaq. Bu, o qədər də asan deyil, ancaq mənim məqsədimdi.
– Gənc futbolçulara məsləhətiniz?
– Öz üzərində işləmək, hər zaman məşq etmək. Biz hamımız bunlardan keçmişik və bilirik ki, öz üzərində yaxşı işləyən futbolçu məqsədinə çatacaq.
– Azarkeşlərə müraciətiniz?
– Onlardan həmişə dəstək gözləyirik. Oyunun nəticəsindən asılı olmayaraq, onların dəstəyi və yanımızda olmaları bizim üçün çox vacibdi.