Dünya Çempionatının kuboku Bakıya gətiriləcək

FIFA Dünya Çempionatının Kubokunu Azərbaycana gətiriləcək.

Futbolinfo.az xəbər verir ki, futbol dünyasının ən ali mükafatı Azərbaycan azarkeşlərinə göstərilmək üçün fevral ayının 9-da Bakıda olacaq. FİFA Dünya Çempionatı kubokunun Azərbaycana səfəri AFFA və onun uzunmüddətli tərəfdaşlarından olan şirkətlərdən biri ilə birgə əməkdaşlığı çərçivəsində təşkil olunur.
 
“FIFA Dünya Çempionatı Kubokunun Turu” milyonlarla azarkeşə dünyanın ən böyük idman hadisəsi olan futbol üzrə 2018-ci il Dünya Çempionatının bir hissəsi olmaq və bu andan zövq almaq imkan verir. Bu möhtəşəm beynəlxalq turu təşkil etməklə FIFA bütün futbolsevərləri Dünya Kubokunun qalibinə təqdim edilən mükafatın canlı şahidi olmağa dəvət edir. Bu hadisə futbolun ən möhtəşəm simvolunu görmək və bunun sevincini yaşamaq üçün minlərlə azarkeşlərin həyatında yeganə fürsət olacaq.
 
FIFA Dünya Çempionatının kubokunun turu 2017-ci ilin sentyabr ayında Rusiyada start götürüb. Bu turne altı qitədən 50-dən çox ölkəni əhatə edəcək və doqquz ay ərzində 126 000 km keçərək yolunu futbol üzrə 2018-ci il dünya çempionatında başa vuracaq.

“İdman dünyasında FIFA Dünya Kubokundan daha çox istənilən və əlamətdar bir mükafat yoxdur. Bu Kubok insanları birləşdirən bir qüvvədir və bunun əhəmiyyətini hər kəs dəyərləndirir”, – deyə FIFA-nın prezidenti Canni İnfantino qeyd edib.
 
FIFA Dünya Kuboku 9 fevral 2018-ci il tarixində Heydər Əliyəv Beynəlxalq Aeroportuna gətiriləcək. Yerli KİV nümayəndələri hava limanında mətbuat konfransında iştirak etmək üçün dəvət olunacaq və onlara mükafatı öz gözləri ilə görmək imkanı veriləcək. Sonra mükafat “Gənclik Mall” ticarət mərkəzinə gətiriləcək ki, burada şəhərin sakinləri və qonaqları Dünya Çempionatının əsas mükafatı ilə şəkil çəkdirə biləcəklər.

FIFA Dünya Kuboku mükafatının əsli yarışın qalib komandasına təqdim olunur, lakin FIFA-nın sərəncamında qalır. Qızıldan hazırlanmış 6,142 kiloqram ağırlığında olan mükafat Yer kürəsini öz üzərində saxlayan iki insan fiqurundan ibarət olan kompozisiyadan ibarətdir. Kubokun orijinal dizaynı 1974-cü ildə yaradılıb. “FIFA Dünya Çempionatının Kuboku” dünyada ən məşhur və bahalı idman rəmzlərindən biridir və ona yalnız FIFA Dünya Kubokunun keçmiş qalibləri və dövlət başçılarından ibarət olan məhdud sayda insan toxuna bilər. Qaydalara əsasən, FIFA Kubokunun mükafatı FIFA-nın sərəncamında qalır və FIFA Dünya Kubokunun qalib komandası mükafatın əslini müvəqqəti olaraq saxlayır, sonra isə mükafatın replikasını alır. Həmən replika FIFA Dünya Kubokunun qaliblərinin mükafatı olaraq adlanır və o yalnız qızıl suyuna salınır ki, üzərində turnirin adı, çempionatı qəbul edən ölkə və qalib ölkə haqqında məlumat həkk olunur.

“FIFA World Cup Trophy Tour” bütün dünya insanları üçün futbol tarixinə toxunmaq və bu idmana öz sevgisini bir-biri ilə bölüşmək üçün qeyri-adi bir imkandır. Orijinal kubokun bəxş etdiyi emosiyalar uzun müddət futbol həvəskarlarının yaddaşında qalacaq.