Ölkə futbolu
“Kəpəz” azarkeşləri açıq audit yoxlaması istəsin
"Kəpəz"dəki "otkat" mövzusunun üst&uu…
"Kəpəz"dəki "otkat" mövzusunun üstündən vaxt keçir. Bu hadisəni qətiyyən unutmaq olmaz. Gəncəli futbolsevərlər diqqətli olmalıdılar. Mən inanmıram ki, bu alverə indinin özündə də son qoyulub. Sadəcə, çox güman, formasını dəyişdiriblər.
Məndə olan məlumata görə, Mikayıl Nərimanoğluya təmizə çıxmağın müqabilində 400 min dollar "tas" qoyulmuşdu. O da pərdə arxasındakı ortağı ilə bərabər həmin pulun 360 minini kluba geri qaytara bilib. Bununla da məsələni soyutdular, getdi.
Ancaq işbazlar dayanmayacaq və onlar alverə davam etdikləri müddətcə, Gəncədə normal futbol görə bilməyəcəyik. Ona görə də "Kəpəz"in gələcəyi naminə azarkeşlər ayıq olmalıdılar.
Deyə bilərsiniz ki, azarkeş bu işlərə nə edə bilər? Azarkeş istəsə, mikayıl nərimanoğlularını məhkəmə salonlarına qədər qovar. Fan-klublar buyursunlar, açıq audit yoxlaması istəsinlər. Vergilər Nazirliyinə, müvafiq QHT-lərə müraciət edilə bilər. "Kəpəz"ə vəsait dövlət şirkətindən daxil edilib. Bu kommersiya sirri deyil, hesabatı verilməlidi və bu vəsaitin istifadəsinə ictimia nəzarət hüququ var. Audit yoxlamasını AFFA təşkil edə bilirsə, kluba bağlı olan ictimai birliklər də müraciət edə, tələb edə bilərlər. Hətta yoxlama nəticələrinə əsasən, fan-klublar Mikayıl Nərimanoğlu və ya şübhəli bilinən hər hansı digər klub rəsmisini məhkəməyə də verə bilərlər.
Yalançıdı Nərimanoğlu, indi də hamınız bilirsiniz ki, yalan danışır. Ona görə də yalançını evinə qədər qovmaq gərək. Qovmaq gərək ki, gizlətdiyi ortağının yanına sığınsın.
RƏSUL ŞÜKÜRSOY