Ölkə futbolu
Nəbiyev gedəcək – rəhbərliklə münasibətlərə görə
“Turan Tovuz”un icraçı direktoru Nadir Nəbiyev fu…
“Turan Tovuz”un icraçı direktoru Nadir Nəbiyev futbolinfo.az saytında gedən xəbərə münasibət bildirib. O, istefaya gedəcəyi və Yasin Abbasovla əvəzlənəcəyi barədə yazdığımızı təkzib etməyib, lakin…
Sitat: “Mən həmin adamı yaxşı tanıyıram. Bu söhbət iki-üç nəfərin arasında olub və dəqiq bilirəm ki, onu mətbuata kim sızdırıb. Burdan həmin adama üzümü tutub deyirəm ki, məni danışdırma! Danışsam, sənin üçün çox pis olacaq. Xeyr, o adam klubda işləmir. Kənar bir şəxsdi. Mətbuata belə xəbərlər ötürməkdə məqsədi nədi, nəyə nail olmaq istəyir, mən onu da yaxşı bilirəm. Hər şeydən xəbərim var. “Turan”dan istefa verməmişəm, burda da başqa fikirlə qalmamışam. Gəlmişik ki, “Turan”ı yaşadaq, Tovuz futbolunun inkişafına kömək olaq. Oyun alqı-satqıları haqda deyilənlərdən isə zərrə qədər də narahat deyiləm. Bu, şərəf və namus məsələsidi. Bu gün oyun satan sabah rayonunu da, millətini də, hər bir şeyini də satar. Onu edən namussuz və qeyrətsizdi! Mən “kofisent” atan futbolçular barədə ikinci söz deyə bilmərəm. “Turan”da bütün işlər şəffafdı. Heç kimdən heç bir gizli iş tutmamışıq. Bilsəm ki, “Turan”ın hansısa futbolçusu danışılmış oyuna gedib, mən nəinki 1 gün, heç 1 dəqiqə də qalmaram burda. O gündən sonra bir də “Turan”ın oyununa baxmaram. Vəzifədən ikiəlli tutub yapışmamışam. “Turan” rəhbərliyi çempion olduğumuz ötən mövsümdə də, elə bu çempionatın gedişində də bir neçə dəfə AFFA-ya müraciət edib, şübhələndiyi oyunlar barədə araşdırma aparılmasını istəyib. Biz kimlərinsə yanında gözükölgəli deyilik, alnımız açıq, əməlimiz düzdü”.
Nəbiyevin kimdən şübhələnməsi öz işidi, bəlkə də həqiqətən bu xəbərin redaksiyamıza çatdırılmasında kiminsə marağı var. Amma biz əldə etdiyimiz informasiyanı yaymaqda azadıq, belə olmadığını sübut etmək Nadirə qalır. Halbuki Nəbiyev açıqlamasında belə olmayacağını, klubdan ayrılmayacağını deməyib – deməli, xəbər doğrudu.
Danışılmış oyunlara gəlincə, Nadirin bu işə qol qoymasına biz də inanmırıq – karyerası boyunca bu baxımdan kiçicik şübhəyə də yer qoymayıb. Amma özü də etiraf edir ki, komanda üzvləri barədə şübhələri olub və AFFA-ya müraciət ediblər. Onun postundan ayrılmasının səbəbi isə digər rəhbər şəxslərlə münasibətləridi. Nəbiyevlə yola getməyən klub rəsmiləri çıxış yolunu onu Abbasovla əvəzləməkdə görürlər. Və bu istefa tezliklə reallaşacaq. Bizi izləməkdə davam edin…
- Ölkə futbolu2024-04-11 10:32
AFFA-nın gülməli seçimi: Uğursuz klub rəhbəri Hakimlər Komitəsinə sədr olacaq?
- Müsahibə2024-04-10 11:44
Subaşiç “Neftçi” və “Qəbələ”yə görə məyusdur: “Rəhbərlik heyət və məşqçi ilə bağlı qərar verməlidir”
- Ölkə futbolu2024-04-11 14:10
AFFA-da növbəti təyinatlar olacaq: yeni baş katib və PFL prezidenti
- Ölkə futbolu2024-04-11 13:34
Lunyov “Qarabağ”ın uğurunun sirrini açdı: məşqçilər, həkimlər və…