Lion “Olimpik”ini yarımfinala buraxmadılar – VİDEO

Futbol üzrə Fransa Kubokunda 1/4 final mərhələsinin oyunları keçirilib.

Futbolinfo.az xəbər verir ki, ilk oyun günündə bir görüş baş tutub.

Aşağı liqa təmsilçilərindən “Le Erbye” doğma meydanda “Lans”la qarşılaşıb. Oyunun əsas və əlavə vaxtında qapılara qol vurulmadığından, qalib penaltilərlə müəyyənləşib. 11 metrlik zərbələri daha dəqiq yerinə yetirən “Le Erbye” növbəti sensasiyaya imza ataraq, ilk yarımfinalçı olub.

İkinci oyun günündə daha iki görüş baş tutub. "Şambli" evdə "Strasbur"u minimal hesabla üstələyibsə, PSJ Marsel "Olimpik"i ilə oyunda darmadağınla mərhələ adlayıb.

Son gündə isə Lion "Olimpik"i səfərdə "Kan"a minimal hesabla uduzaraq, kubokda mübarizəni dayandırmalı olub.

Fransa Kuboku
1/4 final

27 fevral

Le Erbye – Lans 0:0 (penaltilər 4:2)

28 fevral

Şambli – Strasbur 1:0

PSJ – Olimpik (Marsel) 3:0

1 mart

Kan – Olimpik (Lion) 1:0

Yarımfinalda "Le Erbye" ilə "Şambli", PSJ ilə "Kan" klubları üz-üzə gələcək.