Ölkə futbolu
AFFA-dan daha 5 texniki məğlubiyyət, məşqçi və futbolçulara 10 oyunluq cəza
Bu gün AFFA İntizam Komitəsinin növbəti iclası keç…
Bu gün AFFA İntizam Komitəsinin növbəti iclası keçirilib.
Futbolinfo.az xəbər verir ki, aparılan müzakirələrdən sonra AFFA-nın bayrağı altında təşkil olunan müxtəlif ölkə birincilikləri ilə bağlı aşağıdakı qərarlar çıxarılıb:
Region Liqasının “Gənclik” – “Neftçala” matçının 49-cu dəqiqəsində “Neftçala”nın futbolçusu Vüsal Dadaşov sonuncu ümid fouluna görə birbaşa qırmızı vərəqə alaraq meydandan kənarlaşdırıldığı üçün 1 oyun cəzalanıb. Oyunun 64-cü dəqiqəsində “Neftçala”nın futbolçusu Şamil Abdullayev rəqibi təhqir etdiyinə görə, meydandan kənarlaşdırıldığı üçün 3 oyun cəzalanıb.
Region Liqasının “Ümid Masallı” – “Şağan” matçının 65-ci dəqiqəsində “Ümid Masallı”nın futbolçusu Şəhriyar Zərbəliyev ikinci sarı vərəqə alaraq meydandan kənarlaşdırıldığı üçün 1 oyun cəzalanıb. Oyunun 65-ci dəqiqəsində “Şağan”ın futbolçusu Rafiq Salayev rəqibi təhqir etdiyinə görə meydandan kənarlaşdırıldığı üçün 3 oyun cəzalanıb.
Region Liqasının “Şıxlar” – “Tufan” matçının 13-cü dəqiqəsində “Şıxlar”ın futbolçusu Emin Şabıyev aqressiv davranışa görə birbaşa qırmızı vərəqə alaraq meydandan kənarlaşdırıldığı üçün 4 oyun cəzalanıb. Oyunun 14-cü dəqiqəsində “Şıxlar”ın futbolçusu Mərfət Qəniyev aqressiv davranışa, hakimə qarşı fiziki təsir göstərdiyinə görə birbaşa qırmızı vərəqə alaraq meydandan kənarlaşdırıldığı üçün 10 oyun cəzalanıb. Oyunun 88-ci dəqiqəsində “Tufan”ın futbolçusu Xəzər Fərəcov ikinci sarı vərəqə alaraq meydandan kənarlaşdırıldığı üçün 1 oyun cəzalanıb.
Region Liqasının “Şahdağ” – “Səhliyalı” matçının 38-ci dəqiqəsində “Şahdağ”ın futbolçusu Yusif Yusifzadə aqressiv davranışa görə birbaşa qırmızı vərəqə alaraq meydandan kənarlaşdırıldığı üçün 4 oyun cəzalanıb.
Gənclər Liqasının “Səbail” – “Kəpəz” matçının 57-ci dəqiqəsində “Kəpəz”in məşqçisi İntiqam Səmədov texniki zona qaydalarını pozduğuna görə texniki zonadan kənarlaşdırıldığı üçün 1 oyun cəzalanıb.
Gənclər Liqasının “Neftçi” İK İB – “Neftçi” matçının 75-cu dəqiqəsində “Neftçi”nin futbolçusu Seymur Həmidov ikinci sarı vərəqə alaraq meydandan kənarlaşdırıldığı üçün 1 oyun cəzalanıb.
Gənclər Liqasının “Kəpəz” – “Keşlə” matçının 69-cu dəqiqəsində “Keşlə”nin futbolçusu Faiq Kərimov ikinci sarı vərəqə alaraq meydandan kənarlaşdırıldığı üçün 1 oyun cəzalanıb.
U-16 Liqasının “Vətən” – “Neftçi” İK İB matçının 38-ci dəqiqəsində “Neftçi” İK İB klubunun futbolçusu Ağamalı İmaməliyev hakimi təhqir etdiyinə görə meydandan kənarlaşdırıldığı üçün 4 oyun cəzalanıb. Oyunun 80-cı dəqiqəsində “Neftçi” İK İB klubunun futbolçusu Mirvahid Mustafazadə ikinci sarı vərəqə alaraq meydandan kənarlaşdırıldığı üçün 1 oyun cəzalanıb.
U-16 Liqasının “Qarabağ” – “Sumqayıt” matçının 80-cı dəqiqəsində “Sumqayıt”ın futbolçusu Elçin Abbasov ikinci sarı vərəqə alaraq meydandan kənarlaşdırıldığı üçün 1 oyun cəzalanıb.
U-16 Liqasının “Turan Tovuz” – “Zirə” matçının 80-cı dəqiqəsində “Zirə”nin futbolçusu İlahi Quliyev ikinci sarı vərəqə alaraq meydandan kənarlaşdırıldığı üçün 1 oyun cəzalanıb. Matç başa çatdıqdan sonra “Zirə”nin oyunçusu Samir Qasımov “Turan Tovuz”un rəsmi şəxsinə qarşı aqressiv davranış göstərdiyinə görə 10 oyun cəzalanıb. “Turan Tovuz”un məşqçisi Elxan Abdıyev “Zirə”nin futbolçusuna əli ilə zərbə endirdiyinə görə 10 oyun cəzalanıb.
U-14 Liqasının UGİM (Şabran) – İOEUGİM (Sumqayıt) matçının 40-cı dəqiqəsində UGİM klubunun futbolçusu Elnur Abbasov aqressiv davranışa görə birbaşa qırmızı vərəqə alaraq meydandan kənarlaşdırıldığı üçün 4 oyun cəzalanıb.
U-14 Liqasının “Qarabağ” – “Qəbələ” matçının 48-ci dəqiqəsində “Qarabağ”ın futbolçusu Vasif Fərəcov ikinci sarı vərəqə alaraq meydandan kənarlaşdırıldığı üçün 1 oyun cəzalanıb.
U-14 Liqasının “Azəri” TİM – “Yasamal Gİİ” matçının 9-cu dəqiqəsində “Yasamal Gİİ” klubunun futbolçusu Murad Əzizov sonuncu ümid fouluna görə birbaşa qırmızı vərəqə alaraq meydandan kənarlaşdırıldığı üçün 1 oyun cəzalanıb. “Yasamal Gİİ” klubunun məşqçisi İsmayıl Nəsibov hakimlər briqadasını təhqir etdiyinə görə meydandan kənarlaşdırıldığı üçün 3 oyun cəzalanıb.
U-12 Liqasının “Neftçi” İK İB – “Keşlə” matçının 50-ci dəqiqəsində “Keşlə”nin futbolçusu Əlizadə Nahid hakimi təhqir etdiyinə görə meydandan kənarlaşdırıldığı üçün 2 oyun cəzalanıb.
U-13 Qızlar Liqasının İsmayıllı regionu üzrə, "Azəri" TİM – "Gənclik F.T. Gimnaziya" matçında komandalar yaş limitini pozduğuna görə hər iki kluba 0:3 hesablı texniki məğlubiyyət verilib.
U-13 Qızlar Liqasının İsmayıllı regionu üzrə, "Mil-Muğan" – "Aran" matçında "Mil-Muğan" komandasanın heyətində yaş limitinin pozulmasına görə kluba 0:3 hesablı texniki məğlubiyyət verilib.
U-13 Qızlar Liqasının İsmayıllı regionu üzrə, "Natavan" – "Mil-Muğan" matçında "Mil-Muğan" komandasanın heyətində yaş limitinin pozulmasına görə kluba 0:3 hesablı texniki məğlubiyyət verilib.
U-16 Qızlar Liqasında, "Vega" – "Fidan" matçında "Vega" komandasanın heyətində yetərsay olmadığına görə kluba 0:3 hesablı texniki məğlubiyyət verilib.
U-16 Qızlar Liqasında, "Əhmədli Yunayted " – UGİM (Naftalan) matçında UGİM (Naftalan) komandasanın heyətində yaş limitinin pozulmasına görə kluba 0:3 hesablı texniki məğlubiyyət verilib.
- Ölkə futbolu2024-04-11 10:32
AFFA-nın gülməli seçimi: Uğursuz klub rəhbəri Hakimlər Komitəsinə sədr olacaq?
- Ölkə futbolu2024-04-11 14:10
AFFA-da növbəti təyinatlar olacaq: yeni baş katib və PFL prezidenti
- Ölkə futbolu2024-04-12 08:00
Mikayıl Cabbarovun kadrları azərbaycanlılara qarşı
- Ölkə futbolu2024-04-11 13:34
Lunyov “Qarabağ”ın uğurunun sirrini açdı: məşqçilər, həkimlər və…