Müsahibə
Nemanya Stoyanoviç: “İlk qolu biz vursaq, hər şey bitəcək”
“Keşlə”nin yarımmüdafiəçisi Nemanya Stoyan…
“Keşlə”nin yarımmüdafiəçisi Nemanya Stoyanoviçin Futbolinfo.az saytına müsahibəsi
– "Sumqayıt"a çətinliklə də olsa, evdə qalib gələ bildiniz…
– Çox yaxşı oynadıq. Oyundan əvvəl soyunub-geyinmə otağında danışdığımız hər şeyi meydanda etdik. Hər bir oyunçu maksimum səviyyədə çıxış etdi və qələbəyə layiq idik. Biz meydanda rəqibdən üstün idik. Buna görə də kifayət qədər qol şansımız oldu. Bütün oyuna başdan sona qədər nəzarət etdik. Amma bu ilk yarımfinal görüşü idi və hələ qarşıda cavab oyunu var. Belə davam etməliyik və gələn həftə də eyni oynamalıyıq.
– Rəqibdən daha üstünsünüz, yoxsa sən də düşünürsən ki, hələ də şanslar eynidi?
– Təbii ki, üstünlüyümüz var. Ən əhəmiyyətlisi odu ki, evdə qol buraxmamışıq. Növbəti oyunda ilk qolu biz vursaq, hər şey bitəcək. Əlbəttə ki, "Sumqayıt"a hörmət edirik və onlar yaxşı komandadı. Amma bizim də keyfiyyətli futbolçularımız var. Finalda iştirak isə haqqımızdı. Bu komanda, rəhbərlik, azarkeşlər daha yaxşısına layiqdi.
– Bilirdiniz ki, "Sumqayıt" qış fasiləsindən sonra hələ uduzmayıb?
– Bunu bilirdik. "Sumqayıt"ın yaxşı komanda olmasını demişəm. Çünki onlar uzun müddətdi birlikdə çıxış edirlər və meydanda bir-birlərini çox rahat şəkildə tapırlar. Nə istədiklərini də çox yaxşı başa düşürlər. Belə bir komanda üzərində qələbə əladı, amma hələ son deyil. Sona qədər konsentrasiyanı itirməməliyik.
– 8 gündə 1 rəqiblə 3 oyun yorucu olmayacaq?
– Düşünürəm ki, kubok və çempionat ayrı-ayrıdı. Hər birinin öz motivasiyası var. Hər halda hər 3 matçda qalibiyyət üçün əlimizdən gələni edəcəyik.
– Baş məşqçiniz Yuri Maksimov komandada maddi problemlərin olduğundan söz açdı…
– Bu, mənim sahəm deyil. Mənim işim daim 100 faiz gücümlə oynamaqdı. Hər an komandaya kömək etməliyəm. Bütün fikrimi sadəcə, oynamağa yönəltmişəm.
– Amma Maksimov sırf sizin üçün, ehiyatda oturanlar üçün mükafatın az və ya heç ayrılmadığından narazıdı…
– Mənim üçün heç bir problem yoxdu. Bura gəldiyim vaxtdan indiyə qədər heç bir çətinliklə üzləşməmişəm.
– Meydana çox az çıxırsan. Narahat deyilsən?
– Yox, bunun üçün qətiyyən narahat deyiləm. Çünki hər zaman özümə inanmışam və inanıram da. Mənim də zamanım gələcək.
– Lakin görünən odu ki, "Keşlə"də zamanın gəlməmiş gedəcəksən…
– Bu barədə heç nə bilmirəm. Bizim hələ daha 6 oyunumuz var. Ən yaxşısı işimə köklənməkdi. Mövsüm bitdikdən sonra bu barədə danışarıq.
AĞA
![blank](https://futbolinfo.az/wp-content/plugins/wp-fastest-cache-premium/pro/images/blank.gif)